စစ်ကိုင်းတိုင်း၊ ယင်းမာပင်မြို့နယ် အရှေ့ခြမ်းနှင့် ဆားလင်းကြီးမြို့နယ် မြောက်ခြမ်းရှိ ရွာများ စုပေါင်း၍ စစ်အာဏာရှင် ဆန့်ကျင်ရေး ဆန္ဒပြမှု ၄၆၈ ရက်မြောက် အဖြစ် ယနေ့ ဇွန်လ ၂၂ ရက်နေ့တွင် ဆက်လက်ချီတက် ဆန္ဒပြကြသည်။
လူထုသပိတ်စစ်ကြောင်းသည်“ငါတို့အားလုံးအကျဉ်းသား အာဏာရှင်ရင်ဝကို ထိုးစိုက်မဲ့ သံမဏိဓား”စာတန်း အားကိုင်ဆွဲကာ စစ်အာဏာရှင် အလိုမရှိကြောင်း ကြွေးကြော်သံများဟစ်ကြွေး ချီတက်ခဲ့ကြပြီး ကျဆုံးအာဇာနည်များအား အလေးပြုခဲ့ကြသည်။
ဆာလင်းကြီးမြို့နယ် မြောက်ခြမ်းနှင့် ယင်းမာပင်မြို့နယ် အရှေ့ခြမ်းရှိ ရွာပေါင်းစုံ သပိတ်စစ်ကြောင်းသည် မတ်လ ၉ ရက် ၂၀၂၁ နေ့မှ စတင် ဆန္ဒပြခဲ့ခြင်း ဖြစ်သည်။
