ဇွန်လ ၂၂ ရက်

စစ်ကိုင်းတိုင်း ကလေးမြို့ ပင်မသပိတ်စစ်ကြောင်းသည် စစ်အာဏာရှင်ဆန့်ကျင်ရေး နေ့စဉ်ရက်ဆက် ဆန္ဒပြနေသည်မှာ ဇွန်လ ၂၂ ယနေ့တွင် ရက် ၅၀၀ ပြည့်မြောက် ပြီဖြစ်သည်။

ဆန္ဒပြပွဲ ရက် ၅၀၀ နေ့ အထိမ်းအမှတ်အဖြစ် တော်လှန်ရေးအခြေပြအမှာစကား များအား ဒေါ်သန့်ဝေကျော် (ရွှေးကောက်ခံ၊ အမှတ်-၁ တိုင်းဒေသကြီးလွှတ်တော် ကိုယ်စားလှယ်) ၊ ဆရာမဒေါ်ရတီအုန်း  (ကထိက ၊ ဌာနမှူး CDM ပညာရေးဝန်ထမ်း) ၊ ကိုထွဏ်းခမ် -  နိုင်ငံကျော်အဆိုတော်အနုပညာရှင် ၊ Ko Thanga  ဥက္ကဋ္ဌ -  ပြည်သူ့ကာကွယ်ရေးတပ်ဖွဲ့ (ကလေးမြို့) President (People's Defence Force - Kalay) နှင့်  ကိုဗိုက်ပူ (ကလေးမြို့ပင်မသပိတ်အင်အားစု) တို့မှ ပြောကြားခဲ့ကြသည်။

မိဘပြည်သူများအနေနှင့် စစ်အာဏာရှင်၏ ခေတ်အဆက်ဆက် ဖိနှိပ်ချုပ်ချယ်မှုများအား အပြီးတိုင်ချုပ်ငြိမ်းသွားစေရန် ငြိမ်ခံမနေဘဲ ၊ လမ်းမပေါ်သို့တက်ကာ အလံနှင့် အသံကြားရာအရပ်မှ ပူးပေါင်းပါဝင်ကြရန် အလေးအနက် တိုက်တွန်းနိုးဆော်ထားသည်။