ဇွန်လ ၂၂ ရက်
ပြည်ပနိုင်ငံများတွင် အလုပ်လုပ်ကိုင်နေသည့် မြန်မာရွှေ့ပြောင်းလုပ်သားများကို NUG အစိုးရမှ နေ၍ အလုပ်သမားအသိအမှတ်ပြုကတ်ထုတ်ပေးနိုင်ရန် ဇူလိုင်လတွင်စတင်ကာ စာရင်းကောက်ယူမည် ဖြစ်ကြောင်းသိရသည်။
အမျိုးသားညီညွတ်ရေးအစိုးရ အနေဖြင့် ထိုင်း၊ စင်္ကာပူ၊ မလေးရှားနှင့် ကိုရီးယားနိုင်ငံတို့တွင် ပထမဦးစားပေး စာရင်းကောက်ယူမည်ဖြစ်သည်။
စာရင်းကောက်ယူပြီး နောက်ပိုင်း၌ လိုအပ်သူများကို ပြည်ပအလုပ်အကိုင် အသိအမှတ်ပြုကတ် (Overseas Employment Registration Card – OERC) ထုတ်ပေးမည်ဖြစ်ကြောင်း အလုပ်သမားရေးရာ ဒုတိယဝန်ကြီး ဦးကျော်နီက မဇ္ဈိမသို့ ပြောသည်။
ပြည်ပ အလုပ်အကိုင် အသိအမှတ်ပြုကတ် (OERC) နှင့် ပတ်သက်ပြီး အမျိုးသားညီညွတ်ရေးအစိုးရ (NUG) မှ လုပ်ဆောင်မည့် အစီအစဉ်များနှင့်ပတ်သက်၍ အလုပ်သမားရေးရာ ဒုဝန်ကြီးဦးကျော်နီကို မဇ္ဈိမသတင်းထောက်က သွားရောက် တွေ့ဆုံ မေးမြန်းထားသည်။