ဇွန်လ ၂၂ ရက်
- မြဝတီမြို့နယ်ဒေသအတွင်းက NCA အပစ်ရပ်လက်မှတ်ထိုးထားတဲ့ ကရင်လက်နက်ကိုင်အဖွဲ့တွေဟာ ခွင့်ပြုချက်ရမှသာသွားလာဖို့ စစ်ကောင်စီက အသိပေးထားပါတယ်။
- သောင်ရင်းမြစ်ကမ်းနံဘေးတစ်လျှောက်က နယ်ခြားစောင့်တပ်-BGF အဖွဲ့ပိုင် ကာစီနိုလောင်းကစားရုံတွေရဲ့ အပြင်ဘက်တွေမှာ ခံတပ်သဘောမျိုးနဲ့ လုံခြုံရေးတွေကို အခိုင်အမာချထားလာတာကြောင့် မြို့တွင်းတိုက်ပွဲဖြစ်ပွားမှာကို ဒေသခံတွေက စိုးရိမ်နေကြပါတယ်။
- ကရင်အမျိုးသားကာကွယ်ရေးတပ်ဖွဲ့-KNDO က ဝေါ်လေမြို့နယ်ခွဲရဲစခန်းကို တိုက်ခိုက်သိမ်းယူတုန်းက ဖမ်းဆီးထိန်းသိမ်းထားတဲ့ ရဲမိသားစုဝင်တွေကို ပြန်လွှတ်ပေးသွားမယ်လို့ ပြောပါတယ်။
