ဆင်းရဲသောနိုင်ငံများ၊ အထူးသဖြင့် အာဖရိကတွင် တရုတ်ချေးငွေပြဿနာများက ကြီးမားသောအန္တရာယ်ကို ညွှန်ပြနေကြောင်း ဂျာမန်အဓိပတိ အိုလက်ဖ် စကိုးဇ်က ဆိုပြီး ယင်းသည် ကမ္ဘာကြီးအား နောက်ထပ် ဘဏ္ဍာရေးအကျပ်အတည်းသို့ ကျဆင်းသွားစေနိုင်ကြောင်း သတိပေးခဲ့သည်။

'ကမ္ဘာ့တောင်ဘက်ခြမ်းတွင် နောင်လာမည့် ကြွေးမြီအကျပ်အတည်းသည် ကမ္ဘာတစ်ဝန်းလုံးကို တရုတ်က ပေးထားသော ချေးငွေများမှအစပြု၍ဖြစ်ပေါ်လာမည့် အန္တရယ်ရှိနေပြီး ပါဝင်ပတ်သတ်သူများနေသဖြင့် အပြည့်အဝ ခြုံငုံသုံးသပ်ချက်၍ မရနိုင်ကြောင်း' ဟု စကိုးဇ်က ပြောကြားခဲ့သည်။

'ဒါက တရုတ်နဲ့ ကမ္ဘာတောင်ဘက်ခြမ်း နှစ်ဘက်စလုံးကို စီးပွားရေးနဲ့ ဘဏ္ဍာရေး အကျပ်အတည်းထဲ ကျရောက် သွားစေနိုင်ပြီး မတော်တဆ ကျန်ကမ္ဘာကြီးကိုလဲ ချန်ထားခဲ့မှာ မဟုတ်ဘူး။ ဒါက စိုးရိမ်စရာပါပဲ' ဟု ၎င်းက ပြောကြားခဲ့သည်။

တရုတ်၏ နာမည်ဆိုးဖြင့် ကျော်ကြားသော “ကြွေးမြီထောင်ချောက်” မူဝါဒသည် နိုင်ငံများစွာ၏ ဆိုးရွားလှသော စီးပွားရေးအခြေအနေအတွက် လုံးဝတာဝန်ရှိနေသည်။

ဖွံ့ဖြိုးဆဲကမ္ဘာတွင် တရုတ်မှ ချေးထားသော များပြားသည့်ရေရှည်မတည်တံ့သည့်ကြွေးမြီများက ယင်းနိုင်ငံများ အား စီးပွားရေးမှီခိုမှုနှင့် နိုင်ငံရေးဆိုင်ရာ လွှမ်းမိုးမှုများဖန်တီးခဲ့သည်။

တရုတ်က ထုတ်ပေးသည့် ပြည်ပချေးငွေများသည် နှောင်ကြိုးမပါဘဲ ဖွံ့ဖြိုးဆဲနိုင်ငံများ၏ ထိန်းချုပ်မှုကို အဓိကထား ကာ အခြားနိုင်ငံများ၏ 'မိမိတို့ကိုယ်ပိုင် ဖွံ့ဖြိုးတိုးတက်ရေးလမ်းကြောင်း' ရွေးချယ်ပိုင်ခွင့်ကို လေးစား လိုက်နာ ကြောင်း အမြဲပြောကြားခဲ့သည်။

'ကျွန်တော်တို့ရဲ့ အလွန်ကြီးမားတဲ့ ရည်မှန်းချက်တွေထဲက တစ်ခုက နည်းလမ်းသစ်တွေနဲ့ ငွေချေးတဲ့နိုင်ငံ အဖြစ် တရုတ်ပေါ်ထွက်လာရေးပါ' ဂျာမန်အဓိပတိ အိုလက်ဖ်က ပြောကြားခဲ့ကြောင်း Hong Kong Post က ဖော်ပြခဲ့သည်။

ဥရောပသမဂ္ဂသည် အာဖရိကသို့ ယူရိုငွေ ဘီလီယံ ၁၅၀ ကျော် ရင်းနှီးမြှုပ်နှံရန် ရည်မှန်းထားသည်။