အင်ဒို-ပစိဖိတ်ဒေသကို ထိန်းချုပ်ရန် တရုတ်က အပြင်းအထန် ကြိုးပမ်းနေချိန်တွင် စူပါပါဝါပြိုင်ဘက် အမေရိ ကန်နှင့် တရုတ်တို့က ယခုသီတင်းပတ်ကုန်၌ ကျင်းပသည့် ရှန်ဂရီလာလုံခြုံရေးထိပ်သီးအစည်းအဝေးတွင် ပြောရေးဆိုခွင့်ရှိသူများအဖြစ် ယင်းတို့၏ အနေအထားကို ဆက်လက်ထိန်းထားသည်ဟု Nikkei Asia က ဖော်ပြ လိုက်သည်။

၁၉ ကြိမ်မြောက် ရှန်ဂရီလာဆွေးနွေးပွဲကို ကိုဗစ်-၁၉ ကပ်ရောဂါကြောင့် ၂ နှစ်ကြာ ဆိုင်းငံ့ထားခဲ့ပြီးနောက် အာရှ-ပစိဖိတ်ဒေသတွင်း လုံခြုံရေးနှင့် ဖြစ်နိုင်ချေရှိသော ဖြေရှင်းချက်များကို အဓိကထားသည့် ဆွေးနွေးမှု များကို စင်ကာပူတွင် ဇွန် ၁၀ ရက်မှ ၁၂ရက်ထိ ကျင်းပခဲ့သည်။

ထိပ်သီးအစည်းအဝေးအတွင်း နိုင်ငံပေါင်း ၄၀ ကျော်မှ ကိုယ်စားလှယ်များသည် ဒေသတွင်းနှင့် ကမ္ဘာ့လုံခြုံရေး ဆိုင်ရာ ကိစ္စရပ်များကို အမြင်ချင်းဖလှယ်ခဲ့ကြသည်။

တရုတ်ကာကွယ်ရေးဝန်ကြီး ဝေဖန်ဟော်နှင့် အမေရိကန် ကာကွယ်ရေးဝန်ကြီး လွိုက်အော်စတင်တို့ ပထမဆုံး အကြိမ်မျက်နှာချင်းဆိုင် ဇွန်လ ၁၀ရက် တွေ့ဆုံမှုတွင် ထိုင်ဝမ်၏ လက်ရှိ အနေအထားကို ပြောင်းလဲရန် တရုတ်က ကြိုးပမ်းနေကြောင်း အမေရိကန်က ပြောကြားခဲ့သလို ထိုင်ဝမ်ကို လက်နက်ရောင်းချမှုအတွက် တရုတ်က ရှုတ်ချခဲ့သဖြင့် ထိုင်ဝမ်အရေးနှင့် ပတ်သက်ပြီး အကြိတ်အနယ်ဖြစ်ခဲ့ရသည်။

တရုတ်အား ကာကွယ်ရေးဌာနအတွက် စိန်ခေါ်မှုတစ်ရပ်အဖြစ် ထပ်ခါတလဲလဲ အော်စတင်က ဖော်ပြခဲ့ပြီး အင်ဒို-ပစိဖိတ်ဒေသသည် အမေရိကန်အတွက် ဦးစားပေးဖြစ်ကြောင်းနှင့် ရေကြောင်းရဲတပ်ဖွဲ့ပူးပေါင်း ဆောင် ရွက်မှုနှင့် ဆိုက်ဘာလုံခြုံရေးဆိုင်ရာ အခန်းကဏ္ဍကို ချဲ့ထွင်မည့် တရုတ်က ပစိဖိတ်ကျွန်း နိုင်ငံများနှင့် ဒေသတွင်း သဘောတူညီချက်တစ်ရပ်ကို ကြိုးပမ်းနေသည်။

စည်းမျဉ်းအခြေခံသော နိုင်ငံတကာအမိန့်များ အထူးသဖြင့် ပင်လယ်ပြင်ဥပဒေဆိုင်ရာ ကုလသမဂ္ဂကွန်ဗင်းရှင်း (UNCLOS) ကို ဆန့်ကျင်သည့် တောင်တရုတ်ပင်လယ်အတွင်း တရားမဝင် ရေကြောင်းပိုင်နက် ဆိုင်ရာ တောင်းဆိုမှုများနှင့် လုပ်ဆောင်ချက်များကို အမေရိကန် သမ္မတနှင့် အော်စတင်တို့က ဆန့်ကျင်ခဲ့ကြသည်။

တောင်တရုတ်ပင်လယ်နှင့် အလွန်တွင် လွတ်လပ်စွာ ရေကြောင်းသွားလာမှုနှင့် ပျံသန်းပိုင်ခွင့်များကို ၎င်းတို့က ထောက်ခံကြောင်း ထပ်မံအတည်ပြုခဲ့သည်။

ထို့ပြင် တင်းမာနေသော တရုတ်-အမေရိကန်ဆက်ဆံရေးသည် မကြာသေးမီက အမေရိကန် လွှတ်တော် ကိုယ်စားလှယ်အဖွဲ့ ထိုင်ဝမ်သို့ သွားရောက်လည်ပတ်သောအခါတွင် ပိုဆိုးသွားခဲ့သည်။