ဖိလစ်ပိုင်နိုင်ငံ၏ အခွင့်အရေးများကို နင်းချေရန် ခွင့်မပြုကြောင်း သမ္မတ ဖာဒီနန်မားကို့စ်ဂျူနီယာက ပြောခဲ့သော်လည်း တောင်တရုတ်ပင်လယ်ရှိ စပါရက်တလီကျွန်းစုရှိ အေယန်ဂျင်ကျွန်းတွင် လှေများကို တရုတ်က ပိတ်ဆို့ဟန့်တားမှုများ ဆက်လက်ပြုလုပ်နေဆဲ ဖြစ်သည်။

ဖိလစ်ပိုင်ရေတပ်သင်္ဘော BRP Sierra Madre က ဒေသတွင်း၌ ရှိနေသော်လည်း တရုတ်က ပိုမိုထိန်းချုပ်နိုင်ရန် လုပ်ဆောင်နေခြင်းကို ယခုဖြစ်ရပ်များက ဖော်ပြနေသည်။

တရုတ်က တရားမဝင်ငါးဖမ်းခြင်းနှင့် ကမ်းရိုးတန်းအနီးတွင် ငါးဖမ်းပိုက်များနှင့် ဗော်ယာများကို အသုံးပြု၍ ဖိလစ်ပိုင် ထောက်ပံ့ရေးမစ်ရှင် သင်္ဘောများက ပိတ်ဆို့ထားကြောင်း တရုတ်နိုင်ငံခြားရေးဝန်ကြီးဌာနက ဇွန် ၁၀ ရက်တွင် ပြောကြားပြီးနောက် ယင်းကိစ္စဖြစ်ပေါ်လျက်ရှိသည်။

ဖိလစ်ပိုင်သီးသန့်စီးပွားရေးဇုန် (EEZ) အတွင်းတည်ရှိသော ပါလာဝမ်မြို့မှ ၁၉၄ ကီလိုမီတာအကွာ တွင် တည်ရှိသော ဒီရေနိမ့်ပိုင်းသောင်းကမ်းတွင် တရုတ်၏ လှုပ်ရှားမှုများရှိနေခြင်းဖြစ်ကြောင်း The Star က သတင်းဖော်ပြခဲ့သည်။

တရုတ်က ငါးဖမ်းခွင့်၊ စောင့်ကြည့်ရန် သို့မဟုတ် ဝင်ရောက်စွက်ဖက်ပိုင်ခွင့် မရှိကြောင်း အဆိုပါဌာနက ဆိုသည်။

ဖိလစ်ပိုင်ကလည်း ယင်းလုပ်ရပ်အပေါ် သံတမန်နည်းလမ်းဖြင့် ကန့်ကွက်ခဲ့သည်။

၎င်းတို့ရောက်ရှိချိန်တွင် တရုတ်ကမ်းခြေစောင့်တပ် (CCG) သင်္ဘော ၂ စင်းနှင့် ပြည်သူ့စစ်သင်္ဘော ၄ စင်းတို့ အဆိုပါဒေသသို့ ရောက်ရှိနေပြီးဖြစ်ကြောင်း အဆိုပါတာဝန်ရှိသူက ပြောကြားသည်။