အဝေးရောက်တိဗက်အစိုးရကိုယ်စားလှယ် ကယ်ဆန်ဂယ်ဆန်ဘာဝါသည် ၂၀၂၂ ခုနှစ် တိုင်ပေနိုင်ငံတကာ စာအုပ်ပြပွဲ၌ စာအုပ်များဖြန့်ချိခြင်းနှင့်ပတ်သက်ပြီး တရုတ်၏ကန့်သတ်ချက်များနှင့်စည်းမျဉ်းများအကြောင်း ပြောကြားခဲ့သည်။

တရုတ်ဘာသာဖြင့် တိဗက်စာအုပ်များထုတ်ဝေသော တိဗက်ရုံးလက်အောက်ရှိဖြန့်ချိရေး၏ ရည်ရွယ်ချက် များကိုလည်း အသိအမှတ်ပြုကြောင်း ဘာဝါကပြောသည်။

ကိုယ်စားလှယ်ဘာဝါက ဂန်ဂျောင်ပုံနှိပ်ဖြန့်ချိရေးမှ စေတနာ့ဝန်ထမ်းများကိုလည်း ကူညီမှုအတွက် ကျေးဇူးတင်ကြောင်း ပြောကြားခဲ့သည်။ ဒီနေရာဟာ တိဗက်အကြောင်းရေးထားတဲ့ တရုတ်စာအုပ်တွေကို ဖြန့်ချိခွင့်ပြုတဲ့ တစ်ခုတည်းသော တရုတ်စကားပြောတဲ့ နေရာတစ်ခုဖြစ်ပါတယ်” ဟု ဘာဝါ၏ ကပြောခဲ့ကြောင်း Tibet Rights Collective ၌ဖော်ပြထားသည်။

ဘာဝါက တိဗက်ဘာသာရေးခေါင်းဆောင် ဒလိုင်းလားမားအကြောင်းစာအုပ်များ၊ တိဗက်သမိုင်းကြောင်းများ၊ တိဗက်ဘာသာရေးနှင့်ယဉ်ကျေးမှု၊ တိဗက်ပညာရေးနှင့်ပတ်ဝန်းကျင်၊ တိဗက်နှင့်တရုတ်ဆက်ဆံရေး၊ တိဗက်၊ ထိုင်ဝမ်နှင့်တရုတ်တို့ရေးသားထားသော ခင်းကျင်းပြသထားသည့် စာအုပ်များအကြောင်းကို ပွဲသို့လာရောက် သူများအား ရှင်းပြခဲ့သည်။

ယခုနှစ် တိုင်ပေနိုင်ငံတကာစာအုပ်ပြပွဲကို ဇွန် ၂ ရက်မှ ၇ ရက်အထိ ကျင်းပခဲ့ပြီး ကိုဗစ်ကပ်ရောဂါကြောင့် ၂ နှစ်နားပြီးနောက် ပြန်လည်ကျင်းပခြင်းဖြစ်သည်။

စာအုပ်ပြပွဲတွင် ပြည်တွင်းနှင့်နိုင်ငံတကာမှ ထုတ်ဝေသူပေါင်း ၃၀၀ ခန့်ပါဝင်ခဲ့သည်။ ယူကရိန်းကလည်း ‘ယူကရိန်းနှင့်အတူရပ်တည်သည်’ ဟူသော အထူးကဏ္ဍတွင် ပထမဆုံးအကြိမ်အဖြစ် ပြပွဲတွင် ပူးပေါင်း ပါဝင်ခဲ့သည်ဟု Focus Taiwan သတင်း၌ဖော်ပြထားသည်။