အိန္ဒိယနိုင်ငံ Bharat Biotech ကုမ္ပဏီက ထုတ်လုပ်သည့် ကိုဗစ်-၁၉ ကာကွယ်ဆေး Covaxin အား အဆင့် ၃ ဆင့်အနက် ဒုတိယမြောက်အဆင့်ကို စမ်းသပ်ရန် အမေရိကန် အစားအသောက်နှင့် ဆေးဝါးကွပ်ကွဲရေးဌာန (US FDA) က ခွင့်ပြုပေးလိုက်ကြောင်း အမေရိကန်နှင့် ကနေဒါတို့ရှိ Bharat Biotech ၏ မိတ်ဘက်ဖြစ်သော Ocugen Inc ကုမ္ပဏီက ကြေညာချက်ထုတ်ပြန်လိုက်သည်။

“Covaxin ကိုဗစ်ကာကွယ်ဆေးကို စမ်းသပ်ထိုးနှံခွင့် ဆက်လက်လုပ်ဆောင်နိုင်တော့မှာကို အလွန်ဝမ်းမြောက်ဂုဏ်ယူပါတယ်” ဟု Ocugen Inc ၏ ဥက္ကဋ္ဌ၊ အမှုဆောင်အရာရှိချုပ်နှင့် ပူးတွဲထူထောင်သူ ဒေါက်တာရှန်ကာက ပြောကြားသည်။

အိန္ဒိယရှိ Covaxin ထုတ်လုပ်ရေးစက်ရုံများကို ကမ္ဘာ့ကျန်းမာရေးအဖွဲ့ (WHO) က စစ်ဆေးနေချိန်တွင် ကာကွယ်ဆေးထိုး လုပ်ငန်းကို ခေတ္တရပ်ဆိုင်းထားရန် Ocugen Inc တောင်းဆိုချက်ကြောင့် ခွင့်ပြုချက်ကို FDA က ဧပြီလတွင် ဆိုင်းငံ့ထားခဲ့သည်။

‌ Bharat Biotech ကုမ္ပဏီ၏ ထုတ်လုပ်ရေးစက်ရုံများတွင် ထုတ်လုပ်မှုဆိုင်ရာ ကောင်းမွန်သော လုပ်ဆောင်ချက် အားနည်းမှုကို WHO စစ်ဆေးရေးအရာရှိများက တွေ့ရှိခဲ့ခြင်းကြောင့် အမေရိကန်ဝယ်ယူရေးအေးဂျင်စီများမှ တစ်ဆင့် Covaxin ဝယ်ယူရေးကို WHO က အစောပိုင်းက ဆိုင်းငံ့ခဲ့သည်။

စစ်ဆေးမှုများကို WHO က လုပ်ဆောင်ပြီးနောက် Bharat Biotech ကုမ္ပဏီသည် စက်ရုံအသီးသီးတွင် Covaxin ထုတ်လုပ်မှုကို ယာယီလျှော့ချခဲ့သည်။