တရုတ်သမ္မတရှီကျင့်ဖျင်၏ လွဲမှားသော စီမံခန့်ခွဲမှုအောက်တွင် ကပ်ရောဂါသည် တရုတ်မြို့ကြီး များကို တစ်မြို့ပြီးတစ်မြို့ ပျံ့နှံ့လာသောကြောင့် ပေကျင်းမြို့၏ အစိတ်အပိုင်းအချို့ကို မေ ၂၂ရက်တွင် ပြန်လည် ပိတ်ဆို့လိုက်သည်။

အာဏာပိုင်များသည် ချောင်ယန်၊ ဖန်တိုင်၊ ရှန်ရိ၊ ဟေဒန်နှင့် ဖန်ဆန်းခရိုင်များတွင် ပိတ်ဆို့ကန့် သတ်မှုများကို ချမှတ်ထားကြောင်း ပေကျင်းမြို့တော်အစိုးရ၏ ပြောရေးဆိုခွင့်ရှိသူ ရှီအန်ဟော်ကျင်း၏ ထုတ်ပြန်ချက်ကို ကိုးကား၍ Global Times က ဖော်ပြခဲ့သည်။

တရုတ်မီဒီယာများ၏ ဖော်ပြချက်အရ ဆေးဆိုင်များနှင့် အိမ်အရောက်ဝန်ဆောင်မှုပေးသည့် စားသောက်ဆိုင် များမှ လွဲ၍ မိုးလုံလေလုံ ဖျော်ဖြေရေးနေရာများ၊ အားကစားခန်းမများ၊ လေ့ကျင့်ရေးဌာနများနှင့် ဈေးဝယ် စင်တာများအားလုံးကို မေ ၂၂ရက်မှစ၍ ပိတ်ထားလိုက်ပြီဖြစ်သည်။

မြို့တော်ရှိ အဆင့်သတ်မှတ်ထားသည့် ရှုခင်းသာနေရာများအားလုံး ပိတ်ပစ်မည်ဖြစ်ပြီး တစ်ချိန်တည်းတွင် ပန်းခြံအားလုံးသည် လာရောက်လည်ပတ်မှု၏ ၃၀ ရာခိုင်နှုန်းသာ လက်ခံမည်ဟု ရှီအန်ဟော်ကျင်း၏ ထုတ်ပြန်ချက်ကို ကိုးကား၍ Global Times က ဖော်ပြခဲ့သည်။

ပြည်တွင်းမှ ကူးစက်သော ကိုဗစ်-၁၉ အခြေအနေမှာ မသေချာသေးသောကြောင့် ပေကျင်းမြို့ရှိ ခရိုင် ၅ခုတွင် နေထိုင်သူများအား နေအိမ်မှနေ၍ မေ ၂၈ ရက်အထိ အလုပ်ဆင်းခိုင်းထားသည်။

ကိုဗစ်-၁၉ ကြိုတင်ကာကွယ်မှု စံနှုန်းများကို ပြည်သူများ၏ ပေါ့ဆမှုသည် ကူးစက်မှုအန္တရာယ်ကို ပိုမိုပြင်းထန် လာစေသည့် အစုလိုက်အပြိုလိုက်ကူးစက်မှုကိုလည်း ဖြစ်စေခဲ့သည်ဟု Global Times သတင်းတွင် ဖော်ပြထားသည်။

အမျိုးသားကျန်းမာရေးကော်မရှင်၏ အစီရင်ခံစာအရ မေ ၂၁ရက်က တရုတ်တွင် ကိုဗစ်-၁၉ ပြည်တွင်း ကူးစက်ခံရသူ ၁၅၇ ဦးကို အစီရင်ဖော်ပြခဲ့ပြီး ယင်းတို့အနက် ပြည်တွင်းကူးစက်ခံရသူအသစ် ၅၂ ဦးနှင့် ရောဂါလက္ခဏာမပြသူ ၉ ဦးကို တရုတ်က ထုတ်ပြန်ခဲ့သည်။

တရုတ်အား ကပ်ရောဂါဘေးမှ မကြာသေးမီက သက်သာရာ ရစေခဲ့သည့်အတွက် အစိုးရက ချီးကျူးထားသည့် တရုတ်၏ လူသိများသော 'ကိုဗစ်ကင်းစင်ရေး' မဟာဗျူဟာသည် ပြိုလဲသွားပြီး ကူးစက်မှုများ ပြန်လည် မြင့်မားလာသဖြင့် ၂၀၂၀ပြည့်နှစ် မြင်တွေ့ရသည့်အတိုင်း ပိတ်ဆို့ကန့်သတ်မှုများ ထပ်မံပြုလုပ်လာခဲ့သည်။