ပါကစ္စတန်ရှိ အကောင့်တု အသုံးပြုသူအများအပြားသည် Twitter အကောင့်အတုများမှတစ်ဆင့် တရုတ်နှင့် ပါကစ္စတန်ကို ထောက်ခံအားပေးသော ဇာတ်ကြောင်းများကို ရေးသားရာတွင် ဒစ်ဂျစ်တယ်ပလက်ဖောင်းကို အသုံးပြုနေကြောင်း ဒစ်ဂျစ်တယ်မှုခင်းနှင့် အချက်အလက်စစ်ဆေးရေးစင်တာတို့၏ အစီရင်ခံစာများတွင် အတည်ပြုထားသည်။

Twitter အကောင့်အများအပြားသည် တရုတ်-ပါကစ္စတန်စီးပွားရေးစင်္ကြံ (CPEC) အတွက်သာ ရည်ညွှန်း အသုံးပြုကြပြီး CPEC နှင့်ပတ်သက်သော တွစ်တာပို့စ်အများအပြားကို ပြန်လည်မှတ်ချက်ပြုကြကြောင်း အချက်အလက်စစ်ဆေးခြင်းကို အလေးထားသော ဘက်မလိုက်လွတ်လပ်သော မီဒီယာအဖွဲ့အစည်းဖြစ်သည့် ဒစ်ဂျစ်တယ်မှုခင်း သုတေသနနှင့် ပိုင်းခြားစိတ်ဖြာရေးစင်တာ (D-FRAC) ကဖော်ထုတ်ခဲ့သည်။

ထို့ပြင် ပါကစ္စတန်ဝန်ကြီးချုပ်ဟောင်း အီမရန်ခန်းနှင့်ပတ်သက်သောပို့စ်များကို အပြန်အလှန် မှတ်ချက်ပြုကြသော တခြား အကောင့်တုများစွာလည်း ရှိသည်။ အဆိုပါ Twitter အကောင့်အများ အပြားသည် ၎င်းတို့၏ ရည်ရွယ်ချက်များဖြစ်မြောက်ရန် အသုံးပြုသူအမည်များကို ပြောင်းလဲခဲ့ကြောင်း အစီရင်ခံစာများက ဖော်ပြသည်။

@Xinhua_88 နှင့် @ChinaPakWW ကဲ့သို့သော ပါကစ္စတန်အကောင့်အတုအချို့ကို တွေ့ရှိခဲ့ပြီး ယခုအခါ အဆိုပါအကောင့်များကို Twitter မှ ရပ်ဆိုင်းလိုက်ပြီဖြစ်သည်။ ပါကစ္စတန် အယောင်ဆောင် အကောင့်များသည် အကောင့်တချို့ကို ပွဲထုတ်ခဲ့ပြီး ၎င်းတို့ဇာတ်ကြောင်းများကို ဖော်ထုတ်ခဲ့သည်။ ထိုကဲ့သို့သော Twitter အကောင့်တစ်ခုမှာ @MelaneJones ဖြစ်ပြီး အသုံးပြုသူအမည်ဟောင်းမှာ @shqft81 ဖြစ်သည်။ ဤအိုင်ဒီသည် တရုတ်ကို ထောက်ခံပြီး ပါစ္စတန်ကို လိုလားသော မှတ်ချက်များဖြင့် ပြည့်နှက်နေသည်။ ဤ ID ၏ မှတ်ချက်များတွင် အသုံးအများဆုံးစကားလုံးများမှာ ပါကစ္စတန်၊ တရုတ်၊ ပါကစ္စတန်လူမျိုး၊ တရုတ်လူမျိုး၊ ဂွါဒါနှင့် အစ္စလာမာဘတ်တို့ဖြစ်သည်။

၎င်းအကောင့်ကွန်ရက်များသည် ID များကို ကြိုးကိုင်ကာ ၎င်းတို့၏ ပို့စ်များကို အပြန်အလှန်မှတ်ချက်ပြုခြင်းအားဖြင့် ၎င်းတို့ အစီအစဉ်များကို တွန်းအားပေးရန် ကြိုးစားနေသည်ဟု အစီရင်ခံစာတွင် ထုတ်ဖော်ပြသထားသည်။