အိန္ဒိယအစိုးရအနေဖြင့် ရုရှားနှင့် ဆက်ဆံရေး ရှိနေသော်လည်း လွတ်လပ်၍ ပွင့်လင်းသော အင်ဒို-ပစိဖိတ်ဒေသတွင် တူညီသောအမြင်ရှိခြင်းကြောင့် အမေရိကန်အတွက် အမှန်တကယ်လိုအပ်သော မိတ်ဆွေနိုင်ငံဖြစ်ကြောင်း အမေရိကန်နိုင်ငံခြားရေးထာန ပြောခွင့်ရအရာရှိ နက်ဒ်ပရိုက်စ်က မတ် ၂၃ ရက်တွင် ပြောကြားလိုက်သည်။
အိန္ဒိယ၏ ရုရှားနှင့်ပတ်သက်၍ ရပ်တည်ချက်အပေါ် Quad အဖွဲ့ဝင်နိုင်ငံများ၏ သဘောထားအမြင်အား မေးမြန်းရာတွင် ပရိုက်စ်က “အိန္ဒိယဟာ အမြင်တူသလို လွတ်လပ်ပြီးပွင့်လင်းတဲ့ အာရှ-ပစိဖိတ်ဒေသမှာ တူညီတဲ့ တန်ဖိုးထားမှုတွေ ရှိတာကြောင့် ကျွန်တော်တို့ရဲ့ မိတ်ဆွေ အဖွဲ့ဝင်နိုင်ငံဖြစ်ပါတယ်။ ကာကွယ်ရေး၊ လုံခြုံရေးကဏ္ဍတွေမှာ အဲဒီဆက်ဆံရေးကို အလေးထားပါတယ်” ဟု ပြောကြားသည်။
“သမ္မတရော၊ နိုင်ငံခြားရေးဝန်ကြီးကပါ လွတ်လပ်ပွင့်လင်းတဲ့ အင်ဒို-ပစိဖိတ်ဒေသ ဖြစ်စေရေးကို ထပ်မံ အတည်ပြုပါတယ်။ နိုင်ငံအားလုံးရဲ့ အချုပ်အခြာအာဏာပိုင်ဆိုင်မှုကို လေးစားပြီး နို်ငငံတွေဟာ စစ်ရေး၊ စီးပွားရေး၊ နိုင်ငံရေးအရ အနိုင်ကျင့်မှုတွေကနေ ကင်းလွတ်ရပါမယ်။ ဒါဟာ မတ် ၃ ရက်က ခေါင်းဆောင်တွေ ရဲ့ ထုတ်ပြန်ချက်ကနေ အခြေခံထွက်ပေါ်လာတာပါ။ ဒါဟာ Quad အဖွဲ့ဝင်နို်ငငံတွေရဲ့ မူဝါဒလမ်းစဉ်တွေဖြစ်ပြီး ဒေသတွင်း တည်ငြိမ်လုံခြုံရေးအတွက် Quad ဟာ လုပ်ငန်းစဉ်တစ်ရပ် ဖြစ်တယ်ဆိုတာ သက်ဆိုင်ရာနိုင်ငံတွေက အတည်ပြုထားပြီး ဖြစ်ပါတယ်”
Quad ၏အခြား အဖွဲ့ဝင်နိုင်ငံများဖြစ်သော အမေရိကန်၊ ဂျပန်၊ ဩစတြေးလျတို့က ရုရှားလုပ်ငန်းအဖွဲ့အစည်းများအပေါ် ပိတ်ဆို့အရေးယူမှုများ ချမှတ်ခဲ့သော်လည်း အိန္ဒိယက မလုပ်ဆောင်ခဲ့ပေ။
