သီရိလင်္ကာကျွန်းနိုင်ငံ၏အစိုးရအဆက်ဆက်သည် နိုင်ငံအတွက် အချုပ်အခြာအာဏာနှောင်ကြိုးများကို လျစ်လျူရှုခဲ့ကာ တရုတ်က အဓိကငွေချေးငှားသူဖြစ်လာခဲ့သောကြောင့် ဆယ်စုနှစ် ၇ ခုကျော်အတွင်း အဆိုးရွားဆုံး စီးပွားရေးအကျပ်အတည်းများအနက်မှ တစ်ခုကို ရင်ဆိုင်နေရသည်။

ပိုမိုကောင်းမွန်သော အခြေခံအဆောက်အအုံ၊ အလုပ်အကိုင်၊ ဝင်ငွေ၊ စီးပွားရေးတည်ငြိမ်မှုတို့နှင့်အတူ အခြေခံလူတန်းစားများ၏ နေထိုင်မှုဘဝ တိုးတက်မည်ဟူသော မျှော်လင့်ချက်ဖြင့် သီရိလင်္ကာသည် တရုတ်နိုင်ငံခြားရင်းနှီးမြုပ်နှံမှုအောက်၌ အညံ့ခံလိုက်ရသည်။

သီရိလင်္ကာသည် ၂၀၂၁ ခုနှစ် ဇူလိုင်လတွင် အမေရိကန်ဒေါ်လာ ၁ ဘီလီယံတန်ဖိုးရှိသော ငွေတိုက်စာချုပ်ပေးချေမှု အပါအဝင် ၂၀၂၂ ခုနှစ်တွင် နိုင်ငံခြားကြွေးမြီ အမေရိကန်ဒေါ်လာ ၇ ဘီလီယံခန့် ရှိသည်။

သီရိလင်္ကာတွင် နှစ်ပေါင်းများစွာ ကြီးမားသော တရုတ်ရင်းနှီးမြှုပ်နှံမှုများ ရှိနေသော်လည်း နိုင်ငံခြား အရန်ငွေများ လျော့နည်းလာခြင်းနှင့် နိုင်ငံခြားကြွေးမြီ များပြားလာခြင်းတို့ကြောင့် သမိုင်းတစ်လျှောက် အဆိုးရွားဆုံး စီးပွားရေးအကျပ်အတည်းတစ်ခုအောက်၌ ရောက်ရှိနေသည်။

အစားအသောက်၊ ဓာတ်မြေသြဇာ၊ လောင်စာဆီ၊ လျှပ်စစ်စွမ်းအားမလောက်ငှမှုနှင့် ကုန်ဈေးနှုန်းများ တစ်ဟုန်ထိုးတက်လာမှုနှင့်အတူ ယခုအခါ အဆိုပါအကျပ်အတည်းကြောင့် သာမန်ပြည်သူများအတွက် အခက်အခဲပိုမို ဖြစ်စေခဲ့သည်။

လက်ရှိအကျပ်အတည်း၏ အဓိကနိုင်ငံရေးဘေးထွက်ဆိုးကျိုးကို နားလည်သောကြောင့် သမ္မတ ဂိုတာဘာယာရာဂျာပက်ဆာက ယခုနှစ် ဇန်နဝါရီလတွင် တရုတ်နိုင်ငံခြားရေးဝန်ကြီး ဝမ်ယိ သီရိလင်္ကာသို့ လာရောက်လည်ပတ်စဉ်အတွင်း ကြွေးမြီပေးချေမှုများ ပြန်လည်ပြင်ဆင်ရန် တောင်းဆိုခဲ့သည်။

သီရိလင်္ကာက ထည့်ဝင်မှု နည်းပါးပြီး တရုတ်နိုင်ငံ၏ ဖုံးကွယ်ပြီးကိုယ်ကျိုးကြည့်သော ရင်းနှီးမြှုပ်နှံမှုပုံစံသည် စိုးရိမ်စရာကိစ္စတစ်ခုဖြစ်သည်။

လက်ရှိအကျပ်အတည်းများသည် သာမန်ပြည်သူလူထု၏ဘဝနှင့်အသက်မွေးဝမ်းကျောင်းအပေါ် အကျိုးသက်ရောက်မှု အနည်းငယ်သာ ရှိပြီးကျွန်းနိုင်ငံအတွင်း ရေရှည်တည်တံ့သော အလုပ်အကိုင်နှင့် ဝင်ငွေတိုးတက်စေရန် တရုတ်ရင်းနှီးမြှုပ်နှံမှုများက မစွမ်းဆောင်နိုင်မှုကို ပြသနေသည်။

တရုတ်သည် နိုင်ငံတွင်း၌ ဗုဒ္ဓဘာသာကို ဖျက်ဆီးရန် ကြိုးပမ်းနေပြီး တိဗက်များကိုလည်း အိမ်နီးချင်းနိုင်ငံများသို့ ခိုလှုံသွားအောင် တွန်းပို့နေသော်လည်း သီရိလင်္ကာတွင် ၎င်း၏ ရင်းနှီးမြှုပ်နှံမှုများနှင့်ခြေရာများကို လိုလားသည့် လူထုအမြင်ကို ဖန်တီးရန် ဗုဒ္ဓဘာသာ ဘုန်းတော်ကြီးများကို အောင်မြင်စွာ စည်းရုံးနိုင်ခဲ့ပြီးအကျိုးအမြတ်များသော တရုတ်နိုင်ငံခရီးများ စီစဉ်ပေးခဲ့သည်။