ပါကစ္စတန်နှင့် ကုန်ကျစရိတ်ခန့်မှန်းတွက်ချက်မှုကွဲပြားခြင်းနှင့် စာချုပ်ဆိုင်ရာ အငြင်းပွားမှုများကြောင့် ဒေါ်လာ ဘီလီယံပေါင်းများစွာ တန်ဖိုးရှိသော တရုတ်-ပါကစ္စတန် စီးပွားရေးစင်္ကြံ(CPEC)ကို တရုတ်က ရပ်ဆိုင်းလိုက် သဖြင့် တရုတ်နိုင်ငံလွတ်လပ်သော လျှပ်စစ်ဓာတ်အားထုတ်လုပ်သူများ (IPP) ထံမှ ရက်လွန်ကြေးကိစ္စသည် ပြဿနာဖြစ်လာနိုင်သည်။

တရုတ်ရင်းနှီးမြှုပ်နှံသူများ ရင်ဆိုင်နေရသော ပြဿနာများကို ဖြေရှင်းပြီးသည်အထိနှင့် ယခင် CPEC နှင့် ပတ်သက်သည့် သဘောတူညီချက်များကို ပါကစ္စတန်က အပြည့်အဝအကောင်အထည်မဖော်မချင်း CPEC အစီအစဉ်အရ ရန်ပုံငွေအသစ်များကို တရုတ်က ထုတ်ပေးရန် တွန့်ဆုတ်နေကြောင်း မီဒီယာသတင်းများကို ကိုးကား၍ Asia Times က ဖော်ပြခဲ့သည်။

တရုတ်ဓာတ်အားပေးစက်ရုံများကို စုပုံလာနေသော အကြွေး အမေရိကန်ဒေါ်လာ ၂ ဒသမ ၃ ဘီလီယံအတွက် ၂၀၂၁ခုနှစ်တွင် ပါကစ္စတန်က ဒေါ်လာ ၁ ဒသမ ၄ ဘီလီယံ ပေးမည်ဟု CPEC ၏ ၁၀ ကြိမ်မြောက် ပူးပေါင်းဆောင်ရွက်ရေး ကော်မတီအစည်းအဝေးတွင် ကတိပြုခဲ့သည်။

အစောပိုင်းတွင်၊ တရုတ်ပါကစ္စတန်စီးပွားရေးစင်္ကြံဆိုင်ရာအာဏာပိုင်အဖွဲ့က ဗဟိုလျှပ်စစ်ဝယ်ယူရေးဌာန အာမခံ(CPPA-G) အဖွဲ့အား CPEC အရ တည်ဆောက်ထားသော IPP များကို ရက်လွန်ကြေးများ ပေးဆောင် ရန် တိုက်တွန်းခဲ့ပြီး နိုင်ငံတကာဈေးကွက်တွင် ကျောက်မီးသွေးဈေးမြင့်တက်မှုကြောင့် စက်ရုံများသည် ဓာတ်အားထုတ်လုပ်ရန် ပျက်ကွက်လာနိုင်ကြောင်း သတိပေးခဲ့သည်။ .

ပါကစ္စတန်သည် ဓာတ်အားထုတ်လုပ်ရေးကုန်ကျစရိတ်၏ ၂၁ ရာခိုင်နှုန်းနှင့်ညီမျှသော လည်ပတ်ရန်ပုံငွေကို တည်ထောင်ရန် ကတိပြုထားသည်။

ဆိုင်းငံ့ထားသော တောင်းဆိုမှုများကြောင့် Sinosureသည် ပါကစ္စတန်တွင် စီမံကိန်းအသစ်များကို မပံ့ပိုးနိုင် တော့ဘဲ IPP များအတွက် ရက်လွန်ကြေးများကို ပေးရန် ၂၀၂၁ ခုနှစ် ဒီဇင်ဘာလတွင် CPEC အာဏာပိုင်က အဆိုပြုခဲ့ကြောင်း Business Recorder မှ ဖော်ပြခဲ့သည်။

တရုတ်သည် မလက္ကာပင်လယ်ကွေ့နှင့် တောင်တရုတ်ပင်လယ်ဒေသကို ရှောင်လွှဲနိုင်စေမည့် တိုတောင်း သောလမ်းကြောင်းအဖြစ် CPEC တွင် များစွာ ရင်းနှီးမြှုပ်နှံထားကြောင်း ကျွမ်းကျင်သူများက ဆိုသည်။