တရုတ်အစိုးရက ထိုင်ဝမ်လူ့အခွင့်အရေးလှုပ်ရှားသူ လီမင်ချီကို လွတ်မြောက်မည့်ရက်ထက် နှစ်နှစ်ကျော်လွန်ကာ ဆက်လက် ထိန်းသိမ်းထားသည်။

လူ့အခွင့်အရေးအဖွဲ့များက ၎င်းအား ဖမ်းဆီးထားမှုကို လူမဆန်သည့် လုပ်ရပ်ဟု သတ်မှတ်ထားသည်။

ထိုင်ဝမ် လူ့အခွင့်အရေး ထောက်ခံသူ၏ ပြစ်ဒဏ်သည် ဧပြီလတွင် ပြီးဆုံးသွားသော်လည်း လီမင်ချီ ၏ ထောင်ဒဏ်ကို သက်တမ်းတိုးရန် နည်းလမ်းကို တရုတ်အစိုးရက စိတ်ကူးနေနိုင်သဖြင့် လူ့အခွင့်အရေး အဖွဲ့များက စိုးရိမ်ကြောင်း ထုတ်ဖော်ပြောဆိုခဲ့ကြသည်။

လီသည် ၂၀၁၇ ခုနှစ် မတ်လက တရုတ်နိုင်ငံသို့ ခရီးသွားစဉ် ဖမ်းဆီးထိန်းသိမ်းခံခဲ့ရပြီး ၆လအကြာတွင် ဟူနန်ပြည်နယ်တရားရုံးက ထောင်ဒဏ် ၅ နှစ်ကျခံရန် အမိန့်ချမှတ်ခဲ့သည်။

ဇနီးဖြစ်သူ လီချင်ယူက စီရင်ချက်ချမှတ်ကြောင်း မိတ္တူနှင့် ခင်ပွန်းဖြစ်သူကို တရုတ်အာဏာပိုင်များက မည်သည့် နေ့တွင် လွှတ်ပေးမည်ဆိုသည့် အာမခံချက်ကို မည်သည့်အခါမှ မရရှိခဲ့သည့်အတွက် လီမင်ချီကို လွှတ်ပေးရန် အာမခံချက်မရှိကြောင်း လူ့အခွင့်အရေးမဟာမိတ်အဖွဲ့တစ်ခုက ထိုင်ဝမ်ဥပဒေပြုလွှတ်တော် အပြင်ဘက်တွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

လီမင်ချီအကျဉ်းချခံရစဉ် ရရှိထားသည့်အခြေအနေများသည် အနွေးထည်များ ဆုံးရှုံးမှု၊ ပုတ်သိုးသွားသည့် အစားအသောက်များ ကျွေးမွေးခြင်းနှင့် ဖုန်းခေါ်ဆိုခြင်းများကို ငြင်းဆိုခြင်း ခံရသည့်အတွက် ရက်စက်ကြောင်း ထိုင်ဝမ်နိုင်ငံတကာလွတ်ငြိမ်းချမ်းသာရေးအဖွဲ့မှ အထွေထွေ အတွင်းရေးမှူး ချုအန်လင်းက ပြောကြားခဲ့ကြောင်း Taipei Times သတင်းတွင် ဖော်ပြထားသည်။ .

ကိုဗစ်-၁၉ ကူးစက်ရောဂါဖြစ်ပွားပြီးကတည်းက ဇနီးဖြစ်သူ လီချင်ယူသည် ခင်ပွန်းထံသို့ ၁၆ ကြိမ်တိုင်တိုင် တွေ့ဆုံခွင့်ရရန် ကြိုးစားခဲ့သော်လည်း အကြိမ်တိုင်း ငြင်းပယ်ခံခဲ့ရကြောင်း ချူက ပြောကြားခဲ့သည်။

လီမင်ချီ လွတ်မြောက်မည့်ရက်ကို အတည်ပြုရန်နှင့် အကျဉ်းချခံရသည့်ရက်မကြာစေရန် နိုင်ငံတကာ လွတ်ငြိမ်းချမ်းသာရေးအဖွဲ့မှ တရုတ်အား တောင်းဆိုခဲ့ကြောင်း ချူက ပြောကြားခဲ့ပြီး ၎င်းအား လွှတ်ပေးရန်

ပျက်ကွက်ပါက အဖွဲ့အစည်း၏ ကြီးမားသော ကန့်ကွက်မှုများ ဖြစ်ပေါ်လာမည်ဖြစ်ကြောင်း ပြောကြားခဲ့သည်ဟု Taipei Times သတင်းတွင် ဖော်ပြထားသည်။

ထောင်ဒဏ်၅ နှစ် ချမှတ်ပြီးနောက် နိုင်ငံရေးအခွင့်အရေးများကို ၂ နှစ် ဆိုင်းငံ့လိုက်ခြင်းသည် စီရင်ချက်တွင် ပါဝင်ပြီး လီမင်ချီသည် ၂၀၂၄ ခုနှစ် ဧပြီလမတိုင်မီ တရုတ်နိုင်ငံမှ ထွက်ခွာခြင်းမှ တားဆီးခံရနိုင်သည်ဟု ထိုင်ပေရှေ့နေအသင်းလူ့အခွင့်အရေးကော်မတီဥက္ကဌ ချန်ဂျန်ရှန်က ပြောကြားသည်။