တရုတ်ကွန်မြူနစ်ပါတီ (CCP) က အကျင့်ပျက်ခြစားမှုများကို ကိုင်တွယ်ဆောင်ရွက်သည့် နိုင်ငံရေး ကိရိ ယာဖြစ်သော စည်းကမ်းစစ်ဆေးရေးဗဟိုကော်မရှင် (CCDI) အား သမ္မတ ရှီကျင့်ဖျင်က ၎င်း၏ နိုင်ငံရေးရန်ဘက်များကို ချေမှုန်းရန် အသုံးချလျက်ရှိသည်။
အဆိုပါ ကော်မရှင်သည် အကျင့်ပျက်ခြစားမှုအပေါ် စစ်ဆေးခြင်းမှ အမှုအကျင့်ပြုပြင်ခြင်း/ ဗျူရိုကရေစီ စွမ်းဆောင်ရည် အားနည်းခြင်း အကြောင်းအရာသို့ အာရုံစိုက်မှု ပြောင်းလဲခဲ့သည်။
စည်းကမ်းစစ်ဆေးရေးဗဟိုကော်မရှင် (CCDI) မှ ကိုင်တွယ်သည့် အမှုအခင်းများကို အကဲဖြတ်ခြင်းဟူသည့် နိုင်ငံရေး ကိရိယာသည် တရုတ်သမ္မတရှီကျင့်ဖျင်၏ နိုင်ငံရေးရန်ဘက်များကို ဖယ်ရှားရန် စတင် လုပ်ဆောင် နေပြီ ဖြစ်သည်။
CCDI မှ ကိုင်တွယ်သည့် ၂၀၁၉-၂၀၂၁ ခုနှစ်အတွင်း အမှုတွဲများ၏ အကဲဖြတ်ချက်တစ်ခုတွင် ငွေကြေး အကျင့် ပျက်ခြစားမှု ၄၆ ရာခိုင်နှုန်းနှင့် နှိုင်းယှဉ်ပါက အမှုပေါင်း ၅၄ ရာခိုင်နှုန်းကျော်သည် စွမ်းဆောင်ရည်နှင့် ဆက်စပ်နေကြောင်း တွေ့ရှိရသည်။
ယင်းအချက်က ထိရောက်မှု သို့မဟုတ် ပြည်သူများနှင့် ထိတွေ့မှုအားနည်းခြင်းကဲ့သို့သော ပါတီ၏ ညွှန်ကြားချက်များကို လိုက်နာခြင်းမရှိသည့်အတွက် ပါတီက အရာရှိ/ကေဒါများကို ပစ်မှတ်ထား စတင် လုပ်ဆောင် နေပြီဖြစ်ကြောင်း ဖော်ပြနေသည်။
ယင်းကဲ့သို့ လုပ်ဆောင်ခြင်း၏ အဓိကပစ်မှတ်မှာ 'ကျားများ ' ဟု အုပ်စုသတ်မှတ်ထားသည့် အကြီးတန်းအရာရှိများ မှ ‘ယင်ကောင်များ’(ခရိုင်အဆင့်အရာရှိများ) သို့လည်း ပြောင်းလဲခဲ့သည်။ ၂၀၁၇ခုနှစ်မှ ၂၀၂၁ ခုနှစ်အတွင်း CCDI မှ စွဲချက်တင်ထားသော ခရိုင်အဆင့်အရာရှိများ၏ အရေအတွက်သည် ၂၀ ရာခိုင်နှုန်း နီးပါး မြင့်တက်လာခဲ့သည်။
အောက်ခြေအဆင့်တွင် အဂတိလိုက်စားမှုသည် ပါတီ၏ တရားဝင်မှုကို ခြိမ်းခြောက်နိုင်သောကြောင့် CCDI အား ဒေသအဆင့်အထိ အာရုံစိုက်ရန် ခေါင်းဆောင်များက ညွှန်ကြားထားသည်။
