တရုတ် mRNA ကိုဗစ်-၁၉ ကာကွယ်ဆေး (ARCoV) အဆင့် ၃ လက်တွေ့စမ်းသပ်မှုကို နီပေါတွင်ပြုလုပ်တော့မည်မဟုတ်ဘဲ ကာကွယ်ဆေးထုတ်လုပ်သည့်ကုမ္ပဏီက စမ်းသပ်လေ့လာမှုကို ပယ်ဖျက်ရန် ဆုံးဖြတ်လိုက်ကြောင်း သိရသည်။
စစ်ဘက်ဆေးသိပ္ပံအကယ်ဒမီများဖြစ်ကြသည့် Suzhou Abogen Biosciences နှင့် Walvax Biotechnology တို့မှ တီထွင်ထုတ်လုပ်ထားသည့် ကာကွယ်ဆေးသည် နီပေါတွင် အဆင့် ၃ စမ်းသပ်ရန် ပထမဆုံးခွင့်ပြုချက်ရသည့် ဆေးဖြစ်သည်။
“နီပေါမှာ စမ်းသပ်မှုမလုပ်တော့ဘူးလို့ ပြီးခဲ့တဲ့သီတင်းပတ်က ကျွန်တော်တို့ကို အကြောင်း ကြားလာပါတယ်။ ကာကွယ်ဆေးထုတ်လုပ်တဲ့ကုမ္ပဏီတွေက အဆင့် ၃ စမ်းသပ်မှုလုပ်ဆောင်ဖို့ ကာကွယ်ဆေးတွေနဲ့ အခြားလိုအပ်တဲ့ ပစ္စည်းကိရိယာတွေ မပံ့ပိုးပေးနိုင်တော့ပါဘူး” ဟု ဒါရန်မြို့ BP Koirala Institute of Health Sciences မှ ကာကွယ်ဆေးစစ်ဆေးရေးမှူး ဆန်ဂျစ်ကူးမားရှာမားက ပြောသည်။
နီပေါနိုင်ငံ၌ တတိယအဆင့်စမ်းသပ်မှုအတွက် အဆိုပါကုမ္ပဏီများ၏ ကိုဗစ်-၁၉ ကာကွယ်ဆေးကို ခွင့်ပြုရန် ယမန်နှစ် သြဂုတ်လ ၂၆ ရက်နေ့ကကျင်းပသော ဝန်ကြီးအဖွဲ့အစည်းအဝေး၌ ဆုံးဖြတ်ခဲ့သည်။
ကာကွယ်ဆေးထုတ်လုပ်ရေးကုမ္ပဏီက နီပေါတွင် လူသားများနှင့်ကာကွယ်ဆေးစမ်းသပ်မှုပြုလုပ်ရန် Deurali-Janta Pharmaceuticals Pvt Ltd နှင့် ပူးပေါင်းဆောင်ရွက်ခဲ့သည်။
လေ့လာမှုအသစ်အရ မျိုးဗီဇပြောင်းလဲမှုမရှိသေးသည့် မူရင်းမျိုးနှင့်နှိုင်းယှဉ်ပါက တရုတ် mRNA ကာကွယ်ဆေးသည် အိုမီခရွန်မျိုးကွဲကိုရိုနာဗိုင်းရပ်စ်ကို ပယ်ဖျက်နိုင်သည့်အစွမ်း သိသိသာသာ ကျဆင်းကြောင်း တွေ့ရသော်လည်း အစွမ်းအာနိသင်ထက်ဆေးအနေဖြင့် ထိုးပါက ပဋိပစ္စည်းထုတ်လုပ်မှုကို အလွယ်တကူ လှုံ့ဆော်ပေးနိုင်သည်။
ကာကွယ်ဆေးထုတ်လုပ်သည့်ကုမ္ပဏီက နီပေါတွင် လေ့လာမှု မလုပ်ဆောင်ဖြစ်တော့ကြောင်းကို ရှာမားက နီပေါကျန်းမာရေး သုတေသနကောင်စီအား အကြောင်းကြားထားသည်။
