သြစတြေးလျ ကွင်းလယ်လူ ကာဆာရက်စ်ကို မန်စီးတီး ခေါ်ယူ

သြစတြေးလျ ကွင်းလယ်လူ ကာဆာရက်စ်ကို မန်စီးတီး ခေါ်ယူ

မန်စီးတီးအသင်းသည် ဇန်နဝါရီအပြောင်းအရွှေ့ ပထမဆုံး ခေါ်ယူမှုအဖြစ် သြစတြေးလျ ကွင်းလယ်ကစားသမား အန်တိုနီကာဆာရက်စ်ကို ခေါ်ယူလိုက်ပြီ ဖြစ်သည်။

အသက် ၂၃ နှစ်အရွယ်ရှိ ကာဆာရက်စ်သည် သြစတြေးလျကလပ် Central Coast Mariners အသင်းတွင် ကစားနေသူဖြစ်သည်။ ၎င်းသည် ထိုအသင်းတွင် ၂၀၁၂ ခုနှစ်က စတင် ပါဝင်ကစားခဲ့ ခြင်းဖြစ်ပြီး ၆၂ ပွဲတွင် သုံးဂိုး သွင်းယူပေးထားသည်။

Central Coast Mariners အသင်းနည်းပြ တိုနီဝမ်စလေက 'ကာဆာရက်စ်ကို ခေါ်ယူခဲ့စဉ်က တည်းက သူ့ရဲ့ခြေစွမ်းက ကောင်းမွန်တယ်ဆိုတာ သိသာထင်ရှားပါတယ်။ အခု မန်စီးတီးအသင်းရဲ့ ခေါ်ယူမှုက သူဘယ်လောက်အထိ တိုးတက်လာသလဲဆိုတာကို ပြသတာပါပဲ။ မန်စီးတီးလိုအသင်း ကြီးကို ကစားသမား ရောင်းချနိုင်ခဲ့တဲ့အတွက် ကျွန်တော်တို့ အောင်ပွဲခံဖို့ လိုအပ်ပါတယ်' ဟု ပြောဆိုခဲ့သည်။

မန်စီးတီးအသင်းနည်းပြ ပယ်လီဂရီနီကမူ ကာဆာရက်စ်အနေဖြင့် လက်ရှိအသင်းတွင် ပါဝင်ခွင့် ရရှိဦးမည်မဟုတ်ဘဲ ရာသီကုန်ချိန်အထိ အသင်းတစ်သင်းသင်းတွင် အငှားသွားရောက် ကစားဖွယ်ရှိကြောင်း ပြောဆိုခဲ့သည်။ အနာဂတ်အတွက် ရည်မှန်း၍ ထိုကဲ့သို့ အငှားချရန် စီစဉ်ခြင်း ဖြစ်ကြောင်း ဆိုသည်။

Ref: BBC

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly