တရုတ်စီးပွားရေးလုပ်ငန်းရှင် ဂူဝမ်ဂီသည် ဘရစ်ဂျ်ပေါ့မြို့ရှိ အမေရိကန်ဒေဝါလီခံတရားရုံးတစ်ခုတွင် တစ်ဦးချင်းဆိုင်ရာ ဒေဝါလီခံရေးအတွက် လျှောက်ထားခဲ့ကြောင်း တရားရုံးမှတ်တမ်းများအရ သိရသည်။
ဟိုဝမ်ကော့ဟုလည်းသိထားသော ဂူသည် ဒေဝါလီခံမှုဆိုင်ရာဖိုင်တွဲတွင် အမေရိကန်ဒေါ်လာ ၅၀ ၀၀၁ မှ ၁၀၀ ၀၀၀အကြား ပိုင်ဆိုင်မှုများကို စာရင်းပြုစုပြထားပြီး ကြွေးမြီများမှာ အမေရိကန်ဒေါ်လာ သန်း ၁၀၀ မှ ၅၀၀ အကြားရှိသည်။
ဂူ၏ကြွေးရှင်စာရင်းများအနက် Pacific Alliance Asia Opportunity Fund ကိုဒေါ်လာ ၂၅၄ သန်းခန့်ဖြင့် အကြွေး အများဆုံးပေးရန် ရှိနေသည်။
၂၀၀၈ ခုနှစ်မှ ၂၀၁၁ ခုနှစ်အတွင်း ချေးယူခဲ့သည်ဟုဆိုသော ဒေါ်လာ ၈၈ သန်းတန်ဖိုးရှိ မဆပ်ရသေးသော ချေးငွေအတွက် ဂူကို တရားစွဲခဲ့သည့် Pacific Alliance Asia Opportunity Fund သည် ယင်းပြဿနာနှင့်ပတ်သက်၍ နယူးယောက်ပြည်နယ်တရားရုံးတွင် တရားရင်ဆိုင်နေသည်မှာ ၄ နှစ်ရှိပြီဖြစ်သည်။
စက်တင်ဘာလက အမေရိကန်လုံခြုံရေးနှင့်ငွေကြေးလဲလှယ်မှုကော်မရှင်က ဂူနှင့် ဆက်နွှယ်နေသည့် မီဒီယာကုမ္ပဏီ ၃ ခုကို စတော့နှင့် ဒစ်ဂျစ်တယ်ပိုင်ဆိုင်မှုများကို ရင်းနှီးမြှုပ်နှံသူများအား တရားမဝင်ရောင်းချမှုစွဲချက်ဖြင့် ဒေါ်လာ ၅၃၉ သန်း ဒဏ်ရိုက်ခဲ့သည်။
