ပြင်သစ်နိုင်ငံ ဗာဆိုင်းနန်းတော် အပြင်ဘက်တွင် ပြသထားသော မအင်္ဂါပုံ အနုပညာလက်ရာအား လူအချို့က
ဆေးများဖြင့်မှုတ်ကာ ဖျက်လိုဖျက်ဆီး ပြုမူခဲ့ကြသည်။

ထို အငြင်းပွါးဖွယ် အနုပညာလက်ရာမှာ ဗြိတိသျှ ပန်းပုပညာရှင် Anish Kapoor ၏ လက်ရာ ဖြစ်သည်။

ထိုအနုပညာလက်ရာမှာ ညစ်ညမ်းကြောင်းနှင့် ရုန့်ရင်းရိုင်းစိုင်းကြောင်း ဝေဖန်မှုများ ထွက်ပေါ်လာခဲ့သော်လည်း ပန်းပုပညာရှင် Anish Kapoor ကမူ သူ၏ လက်ရာနှင့် ပတ်သတ်၍ ကာကွယ်ပြောဆိုခဲ့သည်။

ဖျက်လိုဖျက်ဆီး လုပ်ထားခြင်းကို ဗုဒ္ဓဟူးနေ့တွင် တွေ့ရှိခဲ့ကြခြင်း ဖြစ်ပြီး ထိုအဖြစ်အပျက်မှာ စိတ်ပျက်စရာ ကောင်းကြောင်း ပန်းပုပညာရှင် Anish Kapoor က ဆိုခဲ့သည်။

“Dirty Corner” ဟု အမည်ပေးထားသော ထို installation အနုပညာလက်ရာ ကို နန်းတော်အပြင်ဘက်တွင် ပြသထားခြင်း ဖြစ်သည်။

 “အာဏာရလာခဲ့တဲ့ မိဖုရားကြီးရဲ့ မ အင်္ဂါပါ” ဟု ပြင်သစ် ဘာသာစကားဖြင့် ပြုလုပ်သော အင်တာဗျူး တစ်ခုထဲတွင် မစ္စတာ Kapoor က ပြောခဲ့သော်လည်း နောက်ပိုင်းတွင်မူ သူ၏ အနုပညာလက်ရာကို အဓိပ္ပါယ်အမျိုးမျိုး ဖွင့်၍ရကြောင်း ပြောခဲ့သည်။

ဗာဆိုင်းနန်းတော်မှာ ၁၈ရာစု ပြင်သစ်မိဖုရား Marie Antoinette ၏ စံအိမ်တော် ဖြစ်သည်။

ထိုအနုပညာလက်ရာ နှင့် ပတ်သတ်၍ ဂျာမန် ကမ္ဘာလှည့်ခရီးသွားတစ်ဦးဖြစ်သူ Dunja က “ကြီးမားတဲ့မအင်္ဂါကြီးနဲ့ နန်းတော်ကို တွဲပြီးတွေ့ရတာဟာ စိတ်ရှှုပ်စရာပါ” ဟု ရိုက်တာသတင်းဌာနအား ပြောကြားခဲ့ဖူးသည်။

REF : BBC