စက်တင်ဘာ ၁၅
မြန်မာနိုင်ငံဘောလုံးအဖွဲ့ချုပ်ရဲ့ သုဝဏ္ဏမြက်ခင်းတု အားကစားကွင်းက ကွာရန်တင်းစင်တာတွေ မှာ COVID-19 ရောဂါပိုးတွေ့ရှိသူ ၄၁၆ ဦးကို ထားရှိသွားမည်လို့ ယာယီ COVID-19 ရောဂါကုသရေးဌာန (သုဝဏ္ဏ)က ဆေးရုံအုပ် ဖြစ်သူ ဒေါက်တာကောင်းမြတ်စိုးက မဇ္ဈိမသတင်းဌာန ကိုပြောပါတယ်။
“ Positive တွေပါ။ ရောဂါလက္ခာဏ မပြတဲ့လူတွေပါ။ ဥပမာ-နှာခေါင်းပိတ်တဲ့လူတွေ ၊ ဖျားတာ၊နာတာ၊ ချောင်းဆိုး တာမရှိဘူး။ကွာရန်တင်းကနေ Positive ထွက်လာတဲ့ လူနာတွေ ၊ အဖြေထွက်တာ နှစ်မျိုးရှိတယ်။ ကွာရန်တင်းက ထွက်တာနဲ့ PUI (ဆေးရုံးတွေကနေထွက်တာ)တွေ Positive ထွက်ရင်တော့ ဖောင်ကြီး ၊ တောင်ဥက္ကလာအမျိုးသမီး ဆေးရုံး ၊ ဝေဘာဂီတို့ကို ပို့ပါတယ်။ဒီမှာကြတော့ ကွာရန်တင်းကနေ ရောဂါလက္ခာဏ သိပ်မပြတဲ့ လူနာတွေကို ဒီနေရာ တွေမှာထားပါမယ် “ လို့ ဆေးရုံအုပ် ဒေါက်တာကောင်းမြတ်စိုးက ပြောပါတယ်။
လက်ရှိအချိန်ထိ ကွာရန်တင်းစင်တာတွေမှာ ပိုးတွေလူနာတွေကိုထားရှိဖို့အတွက် သုဝဏ္ဏမြက်ခင်းတုအားကစားကွင်း ကို ပြင်ဆင်နေပြီး လှိုင်ကွာရန်တင်းစင်တာ ၊ ဒဂုံဆိပ်ကမ်းက ရိုးမရိပ်သာတို့မှာတော့ လူနာတွေကို စတင်ထားရှိနေပြီ ဖြစ်ပါတယ်။
ဓာတ်ပုံ - သက်ကို / မဇ္ဈိမ
“ တတ်နိုင်သမျှမြန်မြန်လောနေပါတယ်။ အဓိက အလုပ်သမားပါ။နယ်ပြန်တာတွေရှိတယ်။ ဝင်လို့၊ ထွက်လို့မရတာ တွေရှိတယ်။ ဦးဇော်ဇော်ကလည်း တွန်းပြီးလုပ်ခိုင်းပါတယ်။ ပြီးစီးဖို့မှန်းထားတာ က လာမည့်သောကြာနေ့ အပြီးလုပ်ပြီး စနေ၊တနင်္ဂနွေ လောက်ထားနိုင်ဖို့မှန်းထားပါတယ် “ လို့ ဒေါက်တာကောင်းမြတ်စိုးက ပြောပါတယ်။
မကွေးတိုင်းဒေသကြီးမှာ လုပ်အားပေးသူနာပြုဆရာ၊ဆရာမ ၁၂ ဦးရှိနေပြီး ဆရာဝန် ၁၂ ဦးထပ်မံရောက်ရှိဖို့ ရှိတယ်လို့လည်း ဆိုပါတယ်။
လက်ရှိမှာတော့ COVID -19 ရောဂါကုသရေးဌာန၊ သုဝဏ္ဏမြက်ခင်းတု အားကစားကွင်းမှာ ယာယီအဆောက်အုံ လေး လုံးနဲ့ အဆောက်အအုံ တစ်လုံးမှာ လူဦးရေ ၁၀၄ ဦးစီ ဖြင့် ထားရှိသွားမယ်လို့ ပြောပါတယ်။
ဓာတ်ပုံ - သက်ကို / မဇ္ဈိမ
လူနာတွေ နေထိုင်ဖို့အတွက်ကိုတော့ အခန်းအကျယ် သုံး မီတာ (၇ပေခွဲ )နဲ့ နှစ် မီတာ( ၅ပေ )ပတ်လည် အကျယ်ရှိတယ်လို့ သိရပါတယ်။
ရောဂါကုသရေးဌာနမှာထားရှိမယ့် လူတွေအတွက် ကျန်းမာရေးစောင့်ရှောက်မှု နဲ့ ကုသရေးကိစ္စအဝဝကို ကျန်းမာ ရေးနဲ့ အားကစားဝန်ကြီးဌာနက ဆောင်ရွက်သွားမှာဖြစ်ပြီး တည်ဆောက်ရေးနဲ့ နေ့စဉ် အစားသောက် ကုန်ကျစရိတ် တွေကို ဧရာဝတီဖောင်ဒေးရှင်းက ကျခံသွားမှာဖြစ်ပါတယ်။
တာဝန်ယူကုသပေးမယ့် ကျန်းမာရေးဝန်ထမ်းတွေကိုတော့ ရန်ကုန်ဘောလုံးအကယ်ဒမီအဆောက်အုံမှာ ထားရှိသွားမှာ ဖြစ်ပါတယ်။