COVID-19 ကြောင့် ဘောလုံးပွဲစဉ်တွေ ရပ်နားထားရတဲ့ အနေအထားဟာ ကလပ်အသင်းပိုင်ရှင်တွေအတွက်တော့ ပျော်စရာမကောင်းပါဘူး။ ကွင်းဝင်ကြေးတွေကို အပတ်စဉ်တိုင်း ဆုံးရှုံးနေရတဲ့အပြင် ကစားသမားတွေနဲ့ ဝန်ထမ်းတွေကို အသားလွတ်ကြီး လစာတွေပေးထားရတာမို့ ထွက်ငွေချည်းပဲ ဖြစ်နေတာပါ။
ဒါပေမယ့်လည်း ကလပ်အသင်းပိုင်ရှင်တွေဆိုတာ မီလျံနာတွေချည်းပဲ ဖြစ်ကြတာမို့ သူတို့ရဲ့ အနာဂတ်အတွက် လုံခြုံစိတ်ချရတယ်လို့ ကလပ်အသင်းတွေရဲ့ ဝန်ထမ်းတွေက ယုံကြည်ထားကြပါတယ်။
Mike Ashley becomes first Premier League owner to stop paying staff, but will continue paying players. https://t.co/h0wDBOaTR6 pic.twitter.com/FSnkEDtbyY
— SPORTbible (@sportbible) March 31, 2020
ဒီအခြေအနေမှာ အသင်းရဲ့ဝင်ငွေတွေဆုံးရှုံးလို့ဆိုပြီး အသင်းဝန်ထမ်းတွေကို အလုပ်ရပ်နားနေပြီဖြစ်တဲ့ ပထမဆုံး ပရီးမီးယားလိဂ် ကလပ်အသင်းတစ်သင်းပေါ်ထွက်လာခဲ့ပါတယ်။
အဲဒါကတော့ ပရိသတ်တွေအတွက် ဘယ်တော့မှ မစဉ်းစားပေးဘူးလို့ တောက်လျောက်ဝေဖန်ခံလာရတဲ့ နယူးကာဆယ်အသင်းပါပဲ။ ကစားသမားသစ်တွေ မခေါ်ပေးခဲ့လို့ ပရိသတ်တွေရဲ့ ဝေဖန်မှုတွေကို ပြင်းပြင်းထန်ထန် ခံခဲ့ရတဲ့ နယူးကာဆယ်အသင်းပိုင်ရှင် မိုက်အက်ရှ်လေဟာ အခုလည်း အသင်းရဲ့ဝန်ထမ်းတွေကို အလုပ်ကနေ ရပ်နားပစ်လိုက်ပါပြီ။
Coronavirus: Sports Direct boss Mike Ashley 'deeply apologetic' for blunders https://t.co/Vh3pWTsK2Q
— Sky News (@SkyNews) March 27, 2020
တကယ်တော့ မိုက်အက်ရှ်လေဟာ မီလျံနာ တင်မဟုတ်ပါဘူး။ သူက ဘီလီယံနဲ့ချီလို့ ချမ်းသာကြွယ်ဝသူ တစ်ယောက်ဖြစ်ပြီး သူ့ရဲ့ပိုက်ဆံတွေကို အသင်းအတွက် မသုံးချင်ရုံသက်သက်ပါ။
နယူးကာဆယ်အသင်းရဲ့ အုပ်ချုပ်မှုဒါရိုက်တာ လီချန်လေ က ဝန်ထမ်းတွေကို အီးမေးလ်ပို့ကာ အသိပေးခဲ့ပြီး အသင်းရဲ့ကင်းထောက်တွေ၊ အကယ်ဒမီနည်းပြတွေဟာ အလုပ်ရပ်နားတဲ့အထဲမှာ ပါဝင်ခဲ့ကြောင်း အသိပေးခဲ့တာပါ။ အသင်းအနေနဲ့ ဒီဝန်ထမ်းတွေရဲ့ လစာငွေ (၈၀)ရာခိုင်နှုန်းကို နစ်နာကြေးအဖြစ် ပေးချေသွားမှာဖြစ်ပြီး အသင်းရဲ့ စီနီယာကစားသမားတွေနဲ့ နည်းပြအဖွဲ့ဝင်တွေကတော့ အလုပ်မှာ ဆက်လက်တည်မြဲနေကြမှာပါ။
#GordonRamsay is worth=£140m#RickStein =£30m#TimMartin #Whetherspoons =£531m#MikeAshley (Sports Direct)=£2b#RichardBranson =£3b#PhillipGreen (Topshop) =£4.9b#WHSmith =£108m
Yet won't be a penny to their now out of work staff!
NEVER SUPPORT ANY OF THESE GUYS AGAIN!Pls RT
— Brett Allan (@buddhaboy74) March 26, 2020
ဝန်ထမ်းတွေကို အလုပ်ကနေ ရပ်နားလိုက်ပေမယ့်လည်း ဗိုင်းရပ်စ်အခြေအနေ ပြန်လည်တည်ငြိမ်သွားတဲ့အချိန်မှာ မူလ လုပ်ငန်းခွင်တွေမှာ ပြန်လည်လုပ်ကိုင်ခွင့်ပေးမှာဖြစ်တယ်လို့ အသိပေးခဲ့ပါတယ်။
နယူးကာဆယ်အသင်းရဲ့ ပရိသတ်တွေကတော့ သူတို့ ဝယ်ယူထားတဲ့ တစ်ရာသီစာ လက်မှတ်ဖိုးတွေကို ပြန်အမ်းပေးဖို့ မျှော်လင့်နေကြပါတယ်။ ဒါပေမယ့် အသင်းပိုင်ရှင်နဲ့ တာဝန်ရှိသူတွေကတော့ ပြန်ပေးမယ့်ပုံ ရှိမနေဘူးလို့ TheSun က ဖော်ပြပါတယ်။
မိုက်အက်ရှ်လေအနေနဲ့ အိမ်ကွင်းပွဲစဉ်တွေကနေ ရရှိမယ့် သန်းချီတဲ့ပိုက်ဆံတွေကို ဆုံးရှုံးနေရတာကြောင့် ကလပ်အသင်းကို စျေးလျော့ရောင်းဖို့အထိတောင် စီစဉ်နေပြီး ဆော်ဒီအာရေဗျရဲ့ လုပ်ငန်းရှင်အဖွဲ့ဆီ ရောင်းချဖို့ ပြင်ဆင်နေတယ်ဆိုတဲ့သတင်းတွေလည်း ထွက်နေခဲ့ပါတယ်။