ပတ္တရား၊ ဇူလိုင် ၈ ။ ။ ပြင်သစ်အခြေစိုက် ကားတာယာကုမ္ပဏီဖြစ်သော Michelin မှ ပန်းပါး(ဟောင်း)သွားသည့်တိုင် အသစ်ကဲ့သို့ လုံခြံုမှုပေးစွမ်းနိုင်သည်ဆိုသော Michelin Primacy 4 “ Safe When New, Safe When Worn” တာယာ မိတ်ဆက်ပွဲ ကို ထိုင်းနိုင်ငံ၊ Nong Nooch တွင် ဇူလိုင်လ ၆ ရက်က ပြုလုပ်ခဲ့သည်။
အဆိုပါနေ့တွင် Primacy 4 ကားတာယာသစ်၏ ဘရိိတ်မိသောအကွာအဝေး (Braking Distance) စမ်းသပ်ခြင်း၊ ငြိမ့်ညောင်းမှု နှင့် ဆိတ်ငြိမ်မှုစမ်းသပ်မောင်းနှင်ခြင်း (Noise & Comfort Test Drive) ၊ Michelin ၏ ကားတာယာ အဟောင်းများနှင့် အခြားသော ထိပ်တန်းအမှတ်တံဆိပ် ကားတာယာများနှင့် နှိုင်းယှဉ် စမ်းသပ်မောင်းပြခြင်း၊ Test Driving များ ပါ၀င်ပြီး Michelin တာယာအဟောင်း ၊ အသစ်များ စမ်းသပ် မောင်းနှင်ပြသခဲ့၍ Michelin တာယာဟောင်းက အခြားသော ထိပ်တန်းအမှတ်တံဆိပ် တာယာအသစ်များ နှင့် နှိုင်းယှဉ်ပါက ပိုမိုကောင်းမွန်သေးသည်ကို ပြသမောင်းနှင်ခြင်း ဖြစ်သည်ဟု သိရသည်။
MICHELIN Primacy 4 တာယာ အသစ်ရော၊ အသုံးပြုပြီးသား အဟောင်းကိုပါ စိုစွတ်တဲ့ လမ်းတွေပေါ်မှာ ဇူလိုင်လ ၆ ရက်က ထိုင်းနိုင်ငံ၊ ပတ္တရားမှာ စမ်းသပ်မောင်းနှင်ပြသခဲ့ပါသည်။ စမ်းသပ်မှုများအရ MICHELIN Primacy 4 တာယာ အသစ်ဆိုလျှင် အခြားသော ထိပ်တန်းတံဆိပ် တာယာများနှင့်နှိုင်းယှဉ်ပါက ၂ ဒသမ ၅ မီတာနှင့် အသုံးပြုပြီးသားအဟောင်းချင်း နှိုင်းယှဉ်ပါက ၅ ဒသမ ၁ မီတာ ပိုမို တိုတောင်းပြီး ဘရိတ်မိသည် ကို တွေ့ရှိရသည်။
ထို့ပြင် အသုံးပြုပြီးသား MICHELIN Primacy 4 တာယာသည် အခြား တာယာ အမှတ်တံဆိပ် အသစ်များ ထက် ၁ ဒသမ ၈ မီတာ ပိုမို တိုတောင်းပြီး ဘရိတ်မိနိုင်စွမ်း ရှိကြောင်း တွေ့ရှိရခြင်း ဖြစ်သည်။
“ ဒီနေ့ မီဒီယာကိုရော အားလုံးကိုရော မိတ်ဆက်ရတဲ့အတွက် ၀မ်းသာမိပါတယ်။ မြန်မာနိုင်ငံသားများ လမ်းခရီး လုံခြံုစိတ်ချရေး ပိုမိုတိုးတက်လာစေဖို့အတွက် ကျွန်တော်တို့က မြန်မာနိုင်ငံနဲ့အတူ လုပ်ဆောင်သွားမှာ ဖြစ်ပါတယ်” ဟု Mr.Lionel Dantiacq ( President – Michelin East Asia & Oceania) က မဇ္ဈိမသို့ ပြောသည်။
အဆိုပါ တာယာအသစ် MICHELIN Primacy 4 ကို တီထွင်ဆန်းသစ်ထားတဲ့ နည်းပညာနှစ်ခုနှင့် ထုတ်လုပ်ထားခြင်း ဖြစ်ပြီး ဒီဇိုင်းရေးဆွဲရန် အချိန် သုံးနှစ် ယူခဲ့ရကြောင်း သိရပြီး မကြာမီအချိန်အတွင်း စျေးကွက်ထဲ ဖြန့်ချိသွားမည်ဟု သိရသည်။
ထိုင်းနိုင်ငံတွင် ပြုလုပ်ခဲ့သော မိတ်ဆက်ပွဲပွဲသို့ ထိုင်း၊ ဖိလစ်ပိုင်၊ ဗီယက်နမ်၊ မလေးရှား၊ စင်ကာပူ၊ ကိုရီးယား Michelin ကုမ္ပဏီမှ တာဝန်ရှိသူများ ၊ ထိုင်း၊ ဖိလစ်ပိုင်၊ ဗီယက်နမ်၊ မလေးရှား၊ စင်ကာပူ၊ မြန်မာမှ မီဒီယာများ တက်ရောက်ခဲ့ကြသည်။
ဇူလိုင်လ ၅ ရက်ကလည်းထိုင်းနိုင်ငံ၊ ပတ္တရားရှိ Renaissance Hotel တွင် Michelin ၏ Primacy 4 ကားတာယာသစ်ကို မိတ်ဆက်ခဲ့သည်။