ကြောက်မက်ဖွယ် သံတမန်များနှင့်ထောက်လှမ်းရေးများအဖြစ်ဆောင်ရွက်နေသည့် ကမ္ဘာတွင် ပျံ့နှံ့နေသော ရာနှင့်ချီသည့် တရုတ်လျှို့ဝှက်ရဲစခန်းများကို တိုက်ဖျက်ရေးအတွက် အမေရိကန်က အရှိန်မြှင့်လိုက်ကြောင်း The New York Times က ဖော်ပြသည်။
ဘရွတ်ကလင်းရှိ အမေရိကန်ရှေ့နေရုံးက ပြုလုပ်သည့် ရာဇဝတ်မှုဆိုင်ရာ စုံစမ်းစစ်ဆေးမှု တစ်စိတ်တစ်ပိုင်းအဖြစ် အမေရိကန် ဗဟိုထောက်လှမ်းရေးအဖွဲ့ (အက်ဖ်ဘီအိုင်) မှ တန်ပြန်ထောက်လှမ်းရေးအေးဂျင့်များသည် ပြီးခဲ့သည့်ဆောင်းဦးရာသီက နယူးယောက်မြို့ တရုတ်တန်း လူစည်ကားသောလမ်းပေါ်ရှိ ၆ ထပ် ရုံးခန်းအဆောက်အအုံကို ရှာဖွေခဲ့ကြောင်း NYT က ယင်းစုံစမ်းရေးမှုနှင့် နီးစပ်သူများကို ကိုးကားဖော်ပြခဲ့သည်။
တရုတ်နယ်နိမိတ်ကို ကျော်လွန်၍ ပင်လယ်ရပ်ခြားတရုတ်နိုင်ငံသားများကို ထိန်းသိမ်းကြပ်မတ်ရန် တရုတ်၏ ကြိုးပမ်းမှုနှင့် ပတ်သက်ပြီး အငြင်းပွားမှု ပိုမိုပြင်းထန်လာကြောင်းကို ယင်းစီးနင်းမှုက ဖော်ပြနေသည်။
အက်ဖ်ဘီအိုင် စီးနင်းမှုသည် တရုတ်လျှို့ဝှက်ရဲစခန်းတစ်ခုမှ ပစ္စည်းများကို ပထမဆုံးအကြိမ် တရားဝင်သိမ်းဆည်းရမိခြင်း ဖြစ်ကြောင်း The US daily က ဖော်ပြခဲ့သည်။
မက်ဒရစ်အခြေစိုက် လူ့အခွင့်အရေးအဖွဲ့ Safeguard Defenders က ၂၀၂၂ ခုနှစ် စက်တင်ဘာလတွင် နိုင်ငံဖြတ်ကျော် တရုတ်ရဲစခန်းများ၏ အဆင်ခြင်မဲ့ဆောင်ရွက်ချက်ဆိုင်ရာ အစီရင်ခံစာကို ထုတ်ပြန်ခဲ့ပြီး ယင်းရဲစခန်းများက စပိန်နှင့် ဆားဘီးယားတွင် စည်းရုံးဆွဲဆောင်မှုများပြုလုပ်နေပုံကိုလည်း ထပ်မံလေ့လာခဲ့သည်။
တရားခံလွှဲပြောင်းပေးရေး သဘောတူချက်ရှိထားသည့် နိုင်ငံများတွင် စည်းရုံးဆွဲဆောင်မှုများမှုများကို ပြုလုပ် နေကြောင်း ဝန်ခံပုံရသည့် တရုတ်နိုငံခြားရေးဝန်ကြီးဌာနမှ ကြေညာချက်ထုတ်ပြန်ပြီးနောက်ပိုင်း Safeguard Defenders ၏ အစီရင်ခံစာ ထွက်ပေါ်လာခြင်းဖြစ်သည်။
နိုင်ငံရပ်ခြား ရဲစခန်းဝန်ဆောင်မှုစင်တာများတည်ထောင်ခြင်းနှင့် ပတ်သက်၍ အစီရင်ခံစာထုတ်ပြန်ကာ ကမ္ဘာ့မီဒီယာအသီးသီးက သတင်းဖော်ပြပြီးနောက် အစိုးရအသီးသီးက အရေးယူဆောင်ရွက်မှုများကို ကြေညာခဲ့ သည်။
ယခင်က အစီရင်ခံထားသည့် လျှို့ဝှက်ရဲစခန်း ၅၄ ခုအပြင်၊ ဒေသအဆင့် ပြည်သူ့လုံခြုံရေးဗျူရိုများမှ အနည်းဆုံး နောက်ထပ် တရုတ်ပြည်ပရဲစခန်း ၄၈ ခုကို တရုတ်အာဏာပိုင်များက တည်ထောင်ထားကြောင်းနှင့် နိုင်ငံပေါင်း ၅၃ နိုင်ငံထက်မနည်းတွင် ရဲစခန်းပေါင်း ၁၀၂ ဌာနရှိကြောင်း Safeguard Defenders က ထုတ်ပြန်ကြေညာခဲ့သည်။