တရုတ်နိုင်ငံ အနောက်တောင်ပိုင်း စီချွမ်ပြည်နယ်၊ ဂန်ဇီတိဗက်ကိုယ်ပိုင်အုပ်ချုပ်ခွင့်ရစီရင်စုရှိ လျှပ်စစ်ဓာတ်အားပေးစက်ရုံကို ရေလွှမ်းမိုးမှု ှု ဖြစ်ပွားပြီးနောက် လူ ၁ ဦး သေဆုံးကာ ၈ ဦး ပိတ်မိခဲ့ကြောင်း ဒေသဆိုင်ရာ မီဒီယာများက ဖော်ပြသည်။
ရေကြီးမှုသည် ဇန်နဝါရီ ၁၂ ရက် ဒေသစံတော်ချိန် မွန်းလွဲ ၁ နာရီ ၄၀ မိနစ်ခန့်တွင် ဖြစ်ပွားခဲ့ကာ ဓာတ်အားပေးစက်ရုံတွင် ပြုပြင်ထိန်းသိမ်းရေးဝန်ထမ်း ၁၁ ဦး ပိတ်မိနေခဲ့သည်။ ည ၉ နာရီတွင် ၂ ဦးကို ကယ်ဆယ်နိုင်ခဲ့ပြီး ၁ ဦး သေဆုံးခဲ့ကြောင်း ဆင်ဟွာသတင်းတွင် ဖော်ပြသည်။
ဓာတ်အားပေးစက်ရုံအနီးတစ်ဝိုက်ရှိ အဆောက်အအုံများနှင့် ယာဉ်အချို့လည်း ရေနစ်မြုပ်ခဲ့ပြီး အနီးနားရှိ အဝေးပြေးလမ်းမကြီး၏ လမ်းပိုင်းတစ်ခုလည်း ကျိုးပြတ်သွားခဲ့သည်။
ပိတ်မိနေသော ဝန်ထမ်းများကို ကယ်ဆယ်ရန် ကယ်ဆယ်ရေးလုပ်သား ၄၀၀ ကျော်ကို စေလွှတ်ထားပြီး လူ ၁၅၀ ကို ဘေးလွတ်ရာသို့ ရွှေ့ပြောင်းပေးထားကြောင်းနှင့် ကယ်ဆယ်ရေးလုပ်ငန်းများ လုပ်ဆောင်ဆဲဖြစ်ကြောင်း ဆင်ဟွာ သတင်းအရ သိရသည်။
