ဒီဇင်ဘာလ ၂၈ ရက်
တနင်္သာရီတိုင်း၊ မြိတ်ခရိုင်၊ ပုလောမြို့နယ်၊ ပဝတ်ကုန်းရွာအတွင်းရှိ နေအိမ်အချို့ကို စစ်ကောင်စီက အင်အား ၂၀ ကျော်ဖြင့် ဒီဇင်ဘာလ ၂၇ဘရက် ည ၈နာရီ ဝန်းကျင်တွင် ဝင်ရောက်ဖျက်ဆီးခဲ့ကြောင်း ဒေသခံများက ပြောသည်။
ပဝတ်ကုန်းရွာမှ ဦးဖိုးပျော်၊ ဦးကျော်ခိုင်နှင့် ကိုလှမိုးတို့ ၏နေအိမ် သုံးလုံးကို အကြောင်းမဲ့ ဝင်ရောက်ဖျက်ဆီးသွားခဲ့ခြင်းဖြစ်ကြောင်း ရွာခံများက ပြောသည်။
" ညတည်းက ရွာသားတွေ ပြေးနေရတယ် ။ အခုလည်း ပြေးနေရတယ်"ဟု ပဝတ်ကုန်းရွာသား တစ်ဦးက ပြောသည်။
ဒီဇင်ဘာလ ၂၆ရက် နှင့် ၂၇ ရက်နေ့တို့တွင် ပုလောမြို့နယ် ပဝတ်ကုန်းရွာနှင့် ကျောက်နိပ့်ရွာမှ စစ်ကောင်စီသတင်းပေးဟု နာမည်ကြီးနေသူ သုံးဦးကို PDF နှင့် PRDF တပ်ဖွဲ့တို့က ပစ်ခတ်ခဲ့ရာ သေဆုံးသွားကြောင်း ယင်းအဖွဲ့များ၏ အဖွဲ့ဝင်များထံမှ သိရသည်။