ဒီဇင်ဘာလ ၂၅ ရက်
ချင်းပြည်နယ်၊ မင်းတပ်မြို့ပေါ်တွင် ယမန်နေ့ ဒီဇင်ဘာလ ၂၄ ရက် ညနေ ၅ နာရီဝန်းကျင်က CDF- မင်းတပ်က ပစ်ခတ်ခဲ့ရာ စစ်ကောင်စီ (၂၇၄) တပ်ရင်းမှ ဗိုလ်ကြီးတစ်ဦးနှင့် ရဲတစ်ဦး သေဆုံးခဲ့ပြီး ၎င်းတို့ ကိုင်ဆောင်သည့် သေနတ် နှစ်လက် သိမ်းဆည်းရမိကြောင်း CDF-မင်းတပ် ပြန်ကြားရေး တာဝန်ခံ ကိုယောမာန်က မဇ္ဈိမကို ပြောသည်။
"သူတို့နှစ်ယောက်က ဆိုင်ကယ်နဲ့ ကင်းလှည့်နေတာကို CDF ဘက်က ပစ်ခဲ့တာ ပွဲချင်းပြီးသေတယ်။ ဒီနေ့မနက်မှာ ကားတန်းရှည်နဲ့ အသုဘချတာတွေ့တယ်" ဟု၎င်းကပြောသည်။
ယမန်နေ့က မင်းတပ်မြို့ ပလိပ်ထွီရွာ အနီးတွင် ညနေ ၃ နာရီ ၄၅ မိနစ်မှ ၅ နာရီအထိ တိုက်ပွဲတစ်ကြိမ် ဖြစ်ပွားခဲ့ရာ နှစ်ဘက် အကျအဆုံး မရှိကြောင်း ကိုယောမာန်က ဆိုသည်။
ယနေ့ ဒီဇင်ဘာလ ၂၅ ရက်တွင် တိုက်ပွဲများ မရှိသော်လည်း စစ်ကောင်စီတပ်က ၄၀ မမ၊ ၆၀ မမ၊ RPG များဖြင့် မင်းတပ်မြို့ပေါ်သို့ ပစ်ခတ်နေကြောင်း သိရသည်။
