အိန္ဒိယစစ်တပ်က ရေတပ်ဦးစီးချုပ်အသစ်အဖြစ် ဒုတိယဗိုလ်ချုပ်ကြီး အာရ်ဟာရီကုမာကို အစားထိုးခန့်အပ်လိုက်ကြောင်း နိုဝင်ဘာ ၂၈ ရက်တွင် ကြေညာလိုက်သည်။
“အနောက်ပိုင်းရေတပ်ဌာနချုပ် အကြီးအကဲအဖြစ် လက်ရှိတာဝန်ထမ်းဆောင်နေသည့် ဒုတိယဗိုလ်ချုပ်ကြီး အာရ်ဟာရီကုမာကို နိုဝင်ဘာ ၃၀ ညနေပိုင်းမှစ၍ ရေတပ်ဦးစီးချုပ်အဖြစ် စတင်ခန့်အပ်မည်” ဟု ကာကွယ်ရေးဝန်ကြီးဌာန၏ နိုဝင်ဘာ ၉ ရက် ကြေညာချက်တွင် ဖော်ပြထားသည်။
ကာကွယ်ရေးဆိုင်ရာပေါင်းစပ်ကွပ်ကဲရေးရုံးချုပ်များ၏ လုပ်ငန်းအစိတ်အပိုင်းတစ်ခုအဖြစ် စစ်တိုင်းဒေသကြီးများ အခြေခံတည်ဆောက်ရေးတွင် ဒုတိယဗိုလ်ချုပ်ကြီး ကုမာသည် အရေးပါသည့်အခန်းကဏ္ဍတစ်ရပ်မှ ပါဝင်ခဲ့သူတစ်ဦး ဖြစ်သည်။
ကုမာသည် အသက် ၂၁ နှစ်အရွယ် ၁၉၈၃ ခုနှစ်၊ ဇန်နဝါရီ ၁ ရက်တွင် အိန္ဒိယရေတပ်သို့ စတင်ဝင်ရောက်ခဲ့သည်။ စစ်သက် ၃၉ နှစ်အတွင်း ၎င်းသည် စစ်တပ်တွင် တာဝန်အမျိုးမျိုးကို ထမ်းဆောင်ခဲ့သည်။ အမေရိကန်နှင့် ဗြိတိန်နိုင်ငံတို့တွင်လည်း စစ်ဘက်ဆိုင်ရာ သင်တန်းများကို တက်ရောက်ခဲ့သည်။
နိုဝင်ဘာ ၂၃ ရက်တွင် ၎င်းအား အိန္ဒိယသမ္မတရမ်နာသ်ကိုဗင်က စစ်ဘက်ဆိုင်ရာ ဂုဏ်ပြုဆုတံဆိပ် Param Vishisht Seva Medal (PVSM) ကို ချီးမြှင့်ခဲ့သည်။
