ပါကစ္စတန်တပ်ဖွဲ့များသည် ကွက်တားမြို့ရှိ ဘာလိုချီစတန်တက္ကသိုလ်မှ ကျောင်းသားနှစ်ဦးကို ဖမ်းဆီးခေါ်ဆောင်သွားခဲ့သည်ဟု သိရပြီး ၎င်းတို့ကို မည်သည့်နေရာမှန်း မသိရသော နေရာတစ်ခုသို့ ပြောင်းရွှေ့ထားခဲ့ကြောင်း ပြည်တွင်းမီဒီယာက ဖော်ပြသည်။
ပါကစ္စတန်တပ်ဖွဲ့များသည် ပြီးခဲ့သည့် နိုဝင်ဘာ ၁ ရက်က တက္ကသိုလ် ဘော်ဒါဆောင်မှ ကျောင်းသားနှစ်ဦးကို အတင်းအကျပ် ပျောက်ကွယ်သွားစေအောင် လုပ်ခဲ့ခြင်းပင်ဖြစ်ကြောင်း သတင်းဖော်ပြချက်များကို ကိုးကားပြီး The Balochistan Post က ဖော်ပြသည်။
အဓမ္မ ခေါ်ဆောင်သွားခံရသူများမှာ လယ် မိုဟာမက်ဆိုသူ၏ သားဖြစ်သူ ဆိုးဟေးလ် အာမက်ဒ်နှင့် ဖာဆီ ဘာလို့ချ်တို့ ဖြစ်ကြောင်း သိရသည်။ နှစ်ဦးစလုံးသည် ဘာလိုချီစတန်ပြည်နယ် နော့ရှ်ကီ ခရိုင်တွင် နေထိုင်သူများဖြစ်ကြောင်း သတင်းတွင် ဖော်ပြသည်။
ကျောင်းသားများ၏ ဘော်ဒါဆောင်ကို ဝင်ရောက်စီးနင်းမှုများကို ဆန့်ကျင်ပြီး ဘာလိုချီစတန်တက္ကသိုလ်ကျောင်းသားများက ဆန္ဒပြမှုတစ်ခု လုပ်ဆောင်ရန် ဆော်သြထားသည်။
