ထိုင်ဝမ်အပေါ် တရုတ်၏ ခြိမ်းခြောက်မှု၊ ကပ်ရောဂါ၌ တရုတ်၏အခန်းကဏ္ဍ၊ ဝီဂါများကိုဖိနှိပ်မှုနှင့် ဟောင်ကောင်တွင် ဒီမိုကရေစီနှိပ်ကွပ်မှုတို့ကို သွယ်ဝိုက်ရည်ညွှန်းပြောဆိုသော နာမည်ကျော်သီချင်းတစ်ပုဒ် ဖြင့် တရုတ်ကိုစော်ကားသည်ဟု စွပ်စွဲခံရသော တရုတ်-ဩစတြေးလျ အဆိုတော်တစ်ဦးကို တရုတ်အစိုးရက တားမြစ်ပိတ်ပင်မှု ပြုလုပ်လိုက်သည်။
ကင်ဘာလေချန်သည် မန်ဒရင်းဘာသာဖြင့်ဆိုထားသော ‘Fragile’ သီချင်းကိုထုတ်လွှင့်ပြီးနောက် တရုတ်၏အကြီးဆုံး လူမှုကွန်ရက် Weibo မှပျောက်ကွယ်သွားခဲ့ပြီး သူမ၏အယ်လ်ဘမ်များမှာလည်း တရုတ်အင်တာနက် စာမျက်နှာများတွင် မတွေ့ရတော့ပေ။
ချန်နှင့်ပူးတွဲသီဆိုသည့် မလေးရှားဟစ်ဟော့ပ်အဆိုတော်နမ်မီဝီးလည်း တားမြစ်ခံရမှုတွင် ပါဝင်သည်။
‘မင်းဟာမင်းရဲ့ခွေးလေးတွေ၊ကြောင်လေးတွေ၊ လင်းနို့တွေနဲ့ကြောင်ဝံနဂါးတွေကိုချစ်မြတ်နိုးတယ်” ဟူသောစကားအပါအဝင် ကပ်ရောဂါ၏ဇာစ်မြစ်ကို ဖုံးကွယ်ထားသော ညွှန်းဆိုချက်များပါဝင်သည့် သီချင်းစာသားများက တရုတ်အပေါ်ထောက်ခံသူများအား ဆိုးဒေါသထွက်စေခဲ့သည်။