အောက်တိုဘာ-၁၁
ချင်းပြည်နယ်အတွင်းရှိမြို့နယ်များကို အာဏာသိမ်းအဖွဲ့၏ စစ်တပ်နှင့်ရဲ တပ်ရင်း အင်အားအများအပြား ဆက်လက်ပို့ဆောင်မှုများရှိနေကြောင်း ဒေသတွင်း စစ်ဘက်စောင့်ကြည့်လေ့လာသူများက ပြောသည်။
ယနေ့နံနက်ပိုင်းတွင် ကလေးမြို့မှသည် ဖလမ်းမြို့ဘက်ကိုစစ်ကားအစီး ၄၀ နီးပါးတက်သွားခဲ့ပြီး အောက်တိုဘာ ၉ ရက်နေ့တွင် ကလေးမြို့မှသည် တီးတိန်ဘက်ခြမ်းကို စစ်ကား ၁၅စီးနှင့် သံချပ်ကာကား နှစ်စီးထွက်သွား ခဲ့သည်။
ချင်းပြည်နယ်အတွင်းစစ်တပ်အင်အားတိုးချဲ့နေတာနှင့်ပတ်သက်ပြီး'' ကျွန်တော်တို့သိရသလောက် ချင်းပြည်နယ်မှာ တောင်ပိုင်းမြောက်ပိုင်းရှိတယ်။ အခုမြောက်ပိုင်းဘက်ခြမ်းကို ကလေးကနေတဆင့် တီးတိန်၊ဖလမ်း၊ ဟားခါး နှင့်ထန်တလန်ဘက်ခြမ်းတွေကို တပ်အင်အားတွေဖြည့်တင်းနေတယ်။ သံချပ် ကာ ကားတွေတောင်ပါနေတယ် ။ဒါကထူးခြားတယ်။ တောင်ဘက်ပိုင်းတော့ လည်း မတူပီ -မင်းတပ်ကားလမ်းက ပိတ်ဆို့သွားတယ်။ အဲဒီအတွက်ကြောင့် မင်းတပ်၊မတူပီမြို့တွေမှာနေ့စဉ်နီးပါးရဟတ်ယာဉ်အသုံးပြုပြီး စစ်တပ်နှင့် ရဲတပ်ရင်း တွေကိုပို့နေတယ်။''ဟု စစ်ရေးစောင့်ကြည့်သူတစ်ဉီးကပြောသည်။
မတူပီမြို့ပေါ်တွင် လုံခြုံရေအသုံးပြုရန်အတွက် ရဲတပ်ရင်း ၁၀၀ ကျော်ကို ချထားမည်ဖြစ်ကြောင်းသိရပြီး လက်ရှိကန်ပက်လက်တွက်လည်း မြို့စောင့် အဖြစ်ရဲတပ်ရင်းများကိုအသုံးပြုနေပြီဖြစ်သည်။
ချင်းပြည်နယ်၊ မကွေးနှင့်စစ်ကိုင်းတိုင်းဒေသများကို အောက်တိုဘာလ ၉ရက် နေ့မှစတင်ပြီး နှစ်ပတ်အတွင်းအမြစ်ပြတ်ချေမှုန်းမည်ဟု သတင်းထွက်ပေါ် လာပြီးနောက် ချင်းပြည်နယ်အတွင်းမှာ စစ်အင်အားအများအပြား တိုးမြှင့် ထားခြင်းဖြစ်သည်။
