အောက်တိုဘာ ၈
စစ်ကိုင်းတိုင်း၊ ဆာလင်းကြီးမြို့နယ်၊ တောင်ပလူရွာထိပ်ရှိ မိုင်တဲ (Mytel) ဆက်သွယ်ရေး တာဝါတိုင် ကိုယနေ့ အောက်တိုဘာ ၇ရက် နေ့လည် ၁၂နာရီအချိန်တွင် ဖောက်ခွဲဖျက်ဆီးလိုက်ကြောင်း မုံရွာမြို့ ပြည်သူ့ကာကွယ်ရေးတပ် (MPDF) ကိုယ်စားပြု သံမဏိအဖွဲ့သားများက ယနေ့ ထုတ်ပြန်သည်။
အဆိုပါ မိုင်တဲတာဝါတိုင်မှာ ပြိုလဲမသွားသော်လည်း အောက်ခြေအထိုင်ပုံးမှာ သုံးမရအောင်ပျက်စီးသွားသည်။
“မြို့ပေါ်မှာ ကျွန်တော်တို့ လှုပ်ရှားလို့မရလောက်အောင် စစ်ခွေးတွေက နေရာတကာမှာ ကင်းပုန်းဝပ်စောင့်ကြည့်နေကြတယ် ။ ဒါကြောင့် မြို့နဲ့မနီးမဝေး က စစ်ကောင်စီရဲ့ ထောက်တိုင်တွေကို ဖျက်ဆီးလိုက်တာ” ဟု (MPDF) သံမဏိအဖွဲ့၀င်တစ်ဦးမှ မဇ္ဈိမကို ပြောသည်။
ဖောက်ခွဲမှုအပြီး အရပ်ဝတ်နှင့် လက်နက်ကိုင်များ ရောက်ရှိလာပြီး ခြောက်လှန့်ပစ်ခတ်မှုများပြုလုပ်ခဲ့ကြောင်းသိရသည်။