အောက်တိုဘာလ ၆ ရက်
မြန်မာနိုင်ငံမှာ အကူအညီ လိုအပ်နေသူတွေထံကို လူသားချင်း စာနာမှု အကူအညီ ပေးသူတွေ အဟန့်အတားမရှိ ဘေးကင်းလုံခြုံစွာ သွားရောက်နိုင်ရေး သက်ဆိုင်ရာ ဘက်အားလုံးက ဆောင်ရွက်ပေးဖို့ ကုလသမဂ္ဂက တောင်းဆိုလိုက်ပါတယ်။ မြန်မာ့အကျပ်အတည်းကိုဖြေရှင်းရေး စစ်ကောင်စီအနေနဲ့ အာဆီယံအထူးသံတမန်နဲ့ ပူးပေါင်းဆောင်ရွက်ဖို့ ငြင်းနေမယ်ဆိုရင် ဒီလအတွင်းကျင်းပဖို့ရှိတဲ့ အာဆီယံထိပ်သီးဆွေးနွေးပွဲမှာ မြန်မာနိုင်ငံ ဖယ်ထုတ်ခံထားရနိုင်တယ်လို့ မလေးရှားနိုင်ငံခြားရေးဝန်ကြီးက တနင်္လာနေ့က သတိပေးလိုက်ပါတယ်။
