အိန္ဒိယနိုင်ငံ၏ ကက်ရှ်မီးယားမှ အမျိုးသမီးများသည် ၎င်းတို့ ကြုံတွေ့နေရသည့် စိန်ခေါ်မှု များကို ကျော်လွှားရန် အလေးအနက် ကြိုးပမ်းအားထုတ်မှုများပြုလုပ်ခဲ့ပြီး ကဏ္ဍမျိုးစုံအတွက် သက်သေပြခဲ့သည်။

အောင်မြင်မှုက ကြောက်မက်ဖွယ်ကောင်းသော ဘေးဒဏ်သင့်ဒေသတွင် နေထိုင်သော်လည်း ခိုင်မာသော ကြိုးပမ်းမှုများသည် လူများကို ရှေ့သို့ တက်လှမ်းနိုင်စေကြောင်း ၎င်းတို့၏ အောင်မြင်မှုက ဖော်ပြထားသည်။

လေယာဉ်မှူးမှသည် လူနာများအား ကုသခြင်းနှင့် စီမံခန့်ခွဲမှုနယ်ပယ်တွင် ခေါင်းဆောင်နိုင်ခြင်းအပါအဝင် ယင်းအမျိုးသမီးများသည် နယ်ပယ်အသီးသီးတွင် အောင်မြင်မှုများရရှိခဲ့သည်။

ကက်ရှ်မီးယားမှ အမျိုးသမီး ၉၀ ရာခိုင်နှုန်းနီးပါးသည် အသိုင်းအဝန်း၏ ဖိအားပေးမှုနှင့် သေနတ်ကို ကြောက်ရွံ့ ခြင်းကြောင့် အများစုသည် စွန့်ဦးတီထွင်သူဖြစ်လာရန် သို့မဟုတ် ရည်မှန်းချက်ကြီးကြီးထားခြင်းမှာ စိန်ခေါ်မှုများသည်ဟု ယုံကြည်ခဲ့ဖူးကြောင်း ဂျမူးနှင့် ကက်ရှ်မီးယား၏ အထူးအနေအထားကို ထုတ်ဖော်မပြနိုင်ခင်က NGO တစ်ခုက ပြုလုပ်သည့် စစ်တမ်းတစ်ခုတွင် ဖော်ပြခဲ့သည်။

၂၀ဝဝ ပြည့်နှစ်တွင် ကက်ရှ်မီးယားတောင်ပိုင်း ပူဝါမာခရိုင်ရှိ ဒါဒိုရာရွာတွင် မွေးဖွားခဲ့သော နျူရက် ဂျဟန်သည် သူမ၏ ကိုယ်ပိုင်အလှပန်းစိုက်ပျိုးရောင်းချသည့်လုပ်ငန်းကို စတင်ရန် ဂျမူးဖွံ့ဖြိုးတိုးတက်ရေးအာဏာပိုင်အဖွဲ့၏ ရပ်ရွာစည်းရုံးရေးမှူးအဖြစ်မှ နုတ်ထွက်ခဲ့သည်။

လွန်ခဲ့သော ၁၀ စုနှစ်နှစ်ခုနီးပါးက စတင်ခဲ့သော အလုပ်သည် ယခုအခါ နှစ်စဉ် ရူပီး သန်း ၂၀ ခန့်ဝင်သည့် အကျိုးတူလုပ်ငန်းတစ်ခုအဖြစ်သို့ ရောက်ရှိနေပြီ ဖြစ်သည်။

ယင်းလုပ်ငန်းကို စတင်ချိန်က ပန်းဈေးကွက်သည် ဖွံ့ဖြိုးမှုမရှိခြင်းကြောင့် နျူရက် ဂျဟန်သည် စိန်ခေါ်မှုများစွာကို ကျော်ဖြတ်ခဲ့ရသည်။ သို့သော် လွန်ခဲ့သည့် ၁၀စုနှစ် နှစ်စုအတွင်း ကက်ရှ်မီးယားတွင် အများအပြား ပြောင်းလဲသွားခဲ့ပြီး ပန်းပွင့်များအတွက် ဝယ်လိုအားလည်း မြင့်တက်လာသည်။

လွန်ခဲ့သော နှစ်အနည်းငယ်အတွင်း ကက်ရှ်မီးယားရှိ အမျိုးသမီးများသည် အတားအဆီးများကို ကျော်ဖြတ်ခဲ့ပြီး ကောင်းကင်သည် သူတို့အတွက် အကန့်အသတ်ရှိကြောင်း ကမ္ဘာကို သက်သေပြခဲ့သည်ဟု Daily Sikh သတင်းဝက်ဘ်ဆိုက်က စက်တင်ဘာ ၁၃ ရက်တွင် ဖော်ပြခဲ့သည်။

ကက်ရှ်မီးယားမှ အမျိုးသမီးများသည် ရှေးခေတ်ကတည်းက အရေးကြီးသော အခန်းကဏ္ဍများမှ ပါဝင်ခဲ့ပြီး ကက်ရှ်မီယားတစ်ခုလုံးနီးပါးကို အုပ်စိုးခဲ့သော ဘုရင်မကြီး ဒစ်ဒါကဲ့သို့ အင်အားကြီးခေါင်းဆောင်များ၊ ကက်ရှ်နာဟူသီစင်း၊ ဗီဂျာရာ လက္ချမီ ပန်ဒစ်နှင့် ဘီဂမ်အက်ကဘာ ဂျဟန် အက်ဒူလာချ် ကဲ့သို့သော ကက်ရှ်မီးယားအမျိုးသမီးများသည် နောက်မျိုးဆက်များအထိ အားကျလေးစားဖွယ်များဖြစ်ခဲ့သည်ဟု Daily Sikh တွင် ဟာက်ဂျက်ဆင်းချ်က ရေးသားခဲ့သည်။