စစ်ကောင်စီ

·       အာဏာသိမ်းစစ်ကောင်စီကလည်း အောင်ဘာလေထီကို မြေပြင်တွင် ထီလက်မှတ်ဖြင့် ရောင်းမကောင်း သည့်အတွက် အွန်လိုင်းပေါ်ကနေ ရောင်းချနိုင်ရန် နည်းပညာလိုအပ်နေမှုကြောင့် နည်းပညာပိုင်း ပံ့ပိုးပေး လိုသည့် ကုမ္ပဏီ/အဖွဲ့ အစည်းများကို  ရှာဖွေသည့် ကြေညာစာကို စစ်ကောင်စီ ဝါဒဖြန့် သတင်းစာ တွင်ဖော်ပြ ထားသည်။

·       နှစ်၁၀၀ ကျော်အတွေ့အကြုံရှိပြီဖြစ်၍ မီးရထားလုပ်ငန်းသည် မီးရထားစက်ခေါင်းများနှင့် လူစီးတွဲ ကုန်တင်တွဲ များကို ပြည်တွင်းဖြစ်တည်ဆောင်နိုင်ရမည် ဖြစ်ကြောင်း အာဏာလုစစ်ခေါင်းဆောင် မင်းအောင်လှိုင်မှ နေပြည်တော် မီးရထား စက်ခေါင်းသစ်ထုတ်လုပ်ရေးစက်ရုံသို့ သွားရောက် စစ်ဆေးစဉ် ပြောဆိုသည်။

·       မြန်မာနိုင်ငံမှ အလှည့်ကျသဘာပတိ ပြုလုပ်သည့် ကမ္ဘောဒီယား လာအို ဗီယက်နမ် မြန်မာ စီးပွားရေး ဝန်ကြီးများ အစည်းအဝေး အောင်မြင်စွာပြီးဆုံးခဲ့ပြီဟု စစ်ကောင်စီ ဝါဒဖြန် သတင်းစာတွင် ဖော်ပြထားသည်။

·       စစ်ကောင်စီ ဟိုတယ်နှင့်ခရီးသွားလာရေး ဝန်ကြီး ဒေါက်တာဌေးအောင်သည် အာဆီယံ- ကိုရီးယား ခရီးသွား လုပ်ငန်း ဆွေးနွေးပွဲ (Seminar on ASEAN-Korea Tourism 2021)ကို ဟိုတယ်နှင့် ခရီးသွားညွှန်ကြားမှုဦးစီး ဌာနမှ ညွှန်ကြားရေး မှူးချုပ်နှင့် တာဝန်ရှိသူများ တက်ရောက်နေမှုကို ကြည့်ရှုအားပေးကြောင်း စကစ သတင်းတွင်ဖော်ပြထားသည်။

·       တရုတ် ကွမ်းရှီးကျွမ့်ကိုယ်ပိုင်အုပ်ချုပ်ခွင့်ရဒေသ နန်နင်းမြို့တွင် စက်တင်ဘာ ၁၀ မှ ၁၃ ရက်အထိ ကျင်းပမည့် (၁၈)ကြိမ်မြောက် တရုတ် - အာဆီယံ ကုန်စည်ပြပွဲ ဖွင့်ပွဲအခမ်းအနားကို ယနေ့ နံနက် ၉ နာရီတွင် ကျင်းပရာ စစ်ကောင်စီ စီးပွားရေးနှင့် ကူးသန်းရောင်းဝယ်ရေးဝန်ကြီး ဒေါက်တာပွင့်ဆန်း Online ဖြင့် တက်ရောက်ကြောင်း စကစ သတင်းတွင်ဖော်ပြထားသည်။

·       နိုင်ငံ့ဝန်ထမ်းများကို ထုတ်ချေးပေးထားသည့် (၂) လစာ အတိုးမဲ့ချေးငွေများအား ၂၀၂၁-၂၀၂၂ အောက်တို ဘာလ (၁) ရက်နေ့မှ စတင်ကာ ပြန်လည်ပေးသွင်းရန် စီမံကိန်းနှင့် ဘဏ္ဍာရေးဝန်ကြီးဌာနမှ စက်တင်ဘာ လ ၉ ရက်နေ့တွင် သက်ဆိုင်ရာဌာနအသီးသီးထံ အကြောင်းကြားစာ ပေးပို့လိုက်ကြောင်း သိရသည်။

အမျိုးသားညီညွှတ်ရေးအစိုးရ

·       ပြည်သူ့ခုခံစစ် (People’s Defensive War) ကို ဆင်နွှဲလျက်ရှိရာ၊ သတင်းအချက်အလက်များအရ (၉.၉.၂၀၂၁) ရက်နေ့တွင် ရန်သူ့စစ်ရေးပစ်မှတ် - ၁၇ နေရာ၊ အုပ်ချုပ်ရေးပစ်မှတ် - ၉ နေရာ၊ စီးပွားရေးပစ်မှတ် - ၅ နေရာတို့ကို ခုခံတိုက်ခိုက်နိုင်ခဲ့ပြီးငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက တိုင်းဒေသကြီးများတွင် ဖြစ်ပွားပေါ်ပေါက် လျက်ရှိကြောင်း NUG မှ ထုတ်ပြန်ထားသည်။

·       ကွန်မြူနစ်ပါတီ(တရုတ်) နှင့် အရှေ့တောင်အာရှ၊ တောင်အာရှ နိုင်ငံများမှ နိုင်ငံရေးပါတီများ၏ “နိုင်ငံရေး ပါတီများ ပေါင်းစည်းစွမ်းအားနှင့် ပူးပေါင်းဆောင်ရွက်ခြင်းအားဖြင့် ဖွံ့ဖြိုးတိုးတက်ရေးဆီသို့" ခေါင်းစဉ်ဖြင့် ဆွေးနွေးပွဲကို စက်တင်ဘာ ၉ ရက်နေ့ တွင် Virtual Meeting ပြုလုပ်ခဲ့ရာ NLD ပါတီမှ ဦးဘိုဘိုဦး တက်ရောက်ခဲ့သည်။

တော်လှန်ရေးလှုပ်ရှားမှုများ

·       ရေးမြို့နယ် မြို့မရဲစခန်းကို စက်တင်ဘာလ ၁၀ရက်နေ့ ညနေ ၆နာရီ ၃၀မိနစ်ခန့်မှာ ရေးမြို့နယ် ပြည်သူ့ကာကွယ်ရေး တပ်ဖွဲ့ YPDFနဲ့ ကာကွယ်ရေး အထူးတပ်ဖွဲ့ YSTF တို့က ဗုံးခွဲတိုက်ခိုက်ခဲ့တယ်လို့ YPDFက သူတို့ရဲ့ လူမှုကွန်ရက်စာ မျက်နှာ ကနေတဆင့် သတင်းထုတ်ပြန်လိုက်ပါတယ်။

·       မွန်ပြည်နယ် ပေါင်မြို့နယ်တွင် ယနေ့ စက်တင်ဘာလ ၁၁ ရက်နေ့က ကုလသမဂ္ဂတွင် NUG ကို တရားဝင် အစိုးရ အဖြစ် အသိအမှတ်ပြုရေး လူငယ်များ ဦးဆောင်ကာ ချီတက် ဆန္ဒပြခဲ့ကြောင်း သိရသည်။

·       ကျိုက်ထိုမြို့နယ်၊ အင်္ဂဘိုကျေးရွာ၊ ရွာလယ်တောင်ဘက်ပိုင်းရှိ မိုင်တဲတာဝါတိုင်တစ်ခု စက်တင်ဘာလ ၁၁ ရက်နေ့ နံနက်အစောပိုင်းက မိုင်းခွဲခံရကြောင်း သိရသည်။

·       မန္တလေးမြို့၊ချမ်းအေးသာစံမြို့နယ်၊ချမ်းသာရ ဘုရားအနီးတွင် စက်တင်ဘာ ၁၁ရက်၊ နံနက်ပိုင်းက ချီတက်ဆန္ဒပြ နေသည့် သပိတ်စစ်ကြောင်းကို စစ်ကောင်စီ အဖွဲ့က ကားနှင့်တိုက်ကာ ဖြိုခွင်းရာ တစ်ဦးသေဆုံးပြီး နှစ်ဦး ဖမ်းဆီးခံခဲ့ရကြောင်းသိရသည်။

·       မန္တလေးတိုင်း၊ ကျောက်ဆည်မြို့ရှိ စစ်ခေါင်းဆောင်ဟောင်း ဦးသန်းရွှေ၏ အိမ်တစ်လုံးအား ကျောက်ဆည် DKDF ပြည်သူ့လွတ်လပ်ရေးအဖွဲ့က ယနေ့ နံနက်ပိုင်းတွင် ဗုံးပစ်သွင်းဖောက်ခွဲခဲ့ကြောင်း သတင်းရရှိသည်။

·       မန္တလေးတွင် ယနေ့ စက်တင်ဘာလ ၁၁ရက်နေ့က အကြမ်းဖက် စစ်ကောင်စီ ဖက်ဆစ် စစ်ခွေးတပ် တော်လှန်ရေး ရတနာပုံတက္ကသိုလ် ကျာင်းသား/သူများ သပိတ်စစ်ကြောင်း ဦးဆောင်ကာ ချီတက် ဆန္ဒပြခဲ့ကြောင်း သိရသည်။

·       မန္တလေးတွင် ယနေ့ စက်တင်ဘာလ ၁၁ ရက်နေ့က ကုလသမဂ္ဂတွင် NUG အစိုးရအား တရားဝင် အသိအမှတ်ပြုရေး သံဃသမဂ္ဂ ဆရာတော်များ ဦးဆောင်ကာ ချီတက် ဆန္ဒပြခဲ့ကြသည်။

·       မန္တလေး၊ မဟာအောင်မြေမြို့နယ်ရှိ တော်လှန်တက်ကြွ ကျောင်းသားပြည်သူများသည် စက်တင်ဘာလ ၁၁ ရက် နေ့လယ်ပိုင်းတွင် UN Accept NUG, Reject Military စသောစာသားများကိုင်ဆွဲကာ အမျိုးသား ညီညွတ်ရေး အစိုးရ အား ထောက်ခံရေး၊ စစ်အာဏာရှင်အား ဆန့်ကျင်ဖြုတ်ချရေး ကြွေးကြော် ဆန္ဒပြကြသည်။

·       မန္တလေးတွင် မန္တလာတက္ကသိုလ် ကျောင်းသား/သူများ သပိတ်စစ်ကြောင်း၊ စက်မှူသပိတ် စစ်ကြောင်း၊ အ.လ.က (၁၂) ထခွဲ အခြေခံကျောင်းသားများ သပိတ်စစ်ကြောင်းနှင့် မန္တလေးမြို့ အခြေစိုက် လူထုသပိတ်စစ်ကြောင်းတို့ ပူးပေါင်း ကာ ယနေ့ စက်တင်ဘာလ ၁၁ရက်နေ့က အကြမ်းဖက် စစ်ကောင်စီ ဖက်ဆစ် စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       အရာတော်မြို့နယ်တွင် ယနေ့ စက်တင်ဘာလ ၁၁ ရက်နေ့က အကြမ်းဖက် စစ်ကောင်စီ ဖက်ဆစ် စစ်ခွေးတပ် တော်လှန်ရေး မြောက်လက်ကျေးရွာများ စုပေါင်းသပိတ်စစ်ကြောင်း ဦးဆောင်ကာ ချီတက် ဆန္ဒပြခဲ့ကြောင်း သိရသည်။

·       မန္တလေးတွင် ယနေ့ စက်တင်ဘာလ ၁၁ရက်နေ့က ဗကသများ အဖွဲ့ချုပ် ဦးဆောင်ကာ " လက်နက်ကိုင် တော်လှန်ရေး အလံတော်အောက်မှာ လူထုအားလုံးစုစည်းကြ" ကြွေးကြော်သံများဖြင့် ချီတက် ဆန္ဒပြခဲ့ကြောင်း သိရသည်။

·       စဉ့်ကိုင်မြို့နယ်၊ ပလိပ်မြို့နယ်ရှိ တော်လှန် ကျောင်းသားပြည်သူများသည် စက်တင်ဘာလ ၁၁ ရက် နံနက်တွင် ပြောက်ကျားသပိတ်ပြုလုပ်ကာ အမျိုးသားညီညွတ်ရေးအစိုးရအား ထောက်ခံကြိုဆိုရေးနှင့် စစ်အာဏာရှင် အမြစ်ဖြတ် ဖြုတ်ချရေး ဆန္ဒပြကြသည်။

·       မန္တလေးတွင် အကြမ်းဖက် ဖက်စစ် စစ်အာဏာရှင် အမြစ်ပြတ်ကျဆုံးရေးအတွက် အဖမ်းဆီးခံပြည်သူများ ကိုယ်စားပြုသပိတ်စစ်ကြောင်းနှင့် အောင်မြေသာစံပညာရေးကျောင်းပေါင်းစုံသပိတ်စစ်ကြောင်းများ ပူးပေါင်းချီတက်ကာ စက်တင်ဘာလ ၁၁ ရက် ယနေ့နံနက်တွင် ကြွေးကြော်ဆန္ဒပြကြသည်။

·       မန္တလေးတွင် ဘုရားကြီးသပိတ်စစ်ကြောင်း၊ မြတောင်သပိတ်စစ်ကြောင်း၊ အရမ်းညီတဲ့ချမ်းစည် သပိတ်စစ်ကြောင်း တို့ပူးပေါင်းကာ ယနေ့ စက်တင်ဘာလ ၁၁ရက်နေ့တွင် ဖက်ဆစ် စစ်ခွေးတပ် တော်လှန်ရေး ချီတက် ဆန္ဒပြခဲ့ကြောင်း သိရသည်။

·       မန္တလေးတွင် လူငယ်များ ဦးဆောင်ကာ ယနေ့စက်တင်ဘာလ ၁၁ရက်နေ့ နံနက်ပိုင်းက ၆၂ လမ်း စည်ပင်သာယာ ရုံးထောင့်ရှိ အကြမ်းဖက် စစ်ကောင်စီ ဖက်ဆစ် စစ်ခွေးတပ်များ ကာရံထားသည့် သံဆူးကြိုးဂိတ်အားယူဆောင်ကာ လမ်းဆုံအလယ်တွင် "သွေးကြွေးမှာ ဆွေးနွေးစရာမရှိဘူး" စာတန်းဖြင့် ကြေငြာစာကပ်ခဲ့ကြောင်း သိရသည်။

·       မန္တလေးတိုင်း မဟာအောင်မြေမြို့နယ် သံလျက်မှော်အရှေ့ရပ်ကွက်တွင် စက်တင်ဘာလ ၁ဝ ရက်နေ့ ည ၁၁ နာရီခန့်က အကြမ်းဖက် စစ်ကောင်စီ တပ်ဖွဲ့ ၂ဝခန့်က သေနတ်များ ပစ်ဖောက်ကာ လူငယ် ၃ဦးကို ဖမ်းဆီးသွား ကြောင်း ဒေသခံပြည်သူများ ပြောဆိုချက်အရသိရသည်။

·       နေပြည်တော်၊ဥတ္တရသီရိမြို့နယ်၊မောင်းရမ်းကျေးရွာအုပ်စု၊မောင်းရမ်းကျေးရွာမှ စစ်တပ်သတင်းပေးဟု စွပ်စွဲခံထားရသူ ခင်မာဌေးကို စက် တင်ဘာ ၁၀ရက်နေ့ ညပိုင်း ၎င်း၏နေအိမ်တွင် နေပြည်တော် တပ်ခွဲ(၅)နှင့် ဗိဿနိုးပြည်သူ့ကာကွယ်ရေးတပ်မတော်တို့ ပူးပေါင်း သတ်ဖြတ်လိုက်သည်ဟု သိရှိရသည်။

·       ဖမ်းဆီး နှိပ်စက်ခံထားရသည့် ဒဏ်ရာများဖြင့် ဒူးထောက်လျက်အနေအထားဖြင့် ကြိုးတုပ်ဖမ်းဆီးခံရထားသူ လူငယ်နှစ်ဦးမှာ ကရင်နီပြည်နယ် စံပြ ၆မိုင်ဘက်မှ လူငယ်များဖြစ်ကြောင်း ၎င်းတို့ကို သိရှိသူ ကရင်နီဒေသခံ တစ်ဦးက အတည်ပြုသည်။

·       ရှမ်းပြည်နယ်တောင်ပိုင်း ဖယ်ခုံမြို့ အခြေစိုက် စစ်ကောင်စီ၏ ခမရ ၃၃၆ တပ်ရင်းအား ဖယ်ခုံ ပြည်သူ့ကာကွယ်ရေး တပ်ဖွဲ့မှာ ယနေ့ စက်တင်ဘာ ၁၁ ရက် နံနက် ၁၁ နာရီတွင် ၆၀ မမ စိန်ပြောင်းဖြင့် ပစ်ခတ်တိုက်ခိုက်ခဲ့ပြီး အဆိုပါတပ်ရင်း အတွင်းသို့ ကျရောက်ပေါက်ကွဲခဲ့ကြောင်း ဖယ်ခုံ PDF ထံမှ သိရသည်။