ကန်ပက်လက် စက်တင်ဘာလ ၁၀
ချင်းပြည်နယ်၊ ကန်ပက်လက်မြို့နယ် ဆေးရုံအောက်ဖက်နှင့် အရှေ့ဘက်ခြမ်းဘောလုံးကွင်းအနီးတွင် CDF (ကန်ပက်လက်)နှင့်စစ်ကောင်စီတပ်များ ယနေ့ည ၇နာရီ ကျော်အချိန်မှစ၍ လက်ရှိအချိန်ထိ ပစ်ခတ်နေကြသည်ဟု သိရသည်။
ယနေ့ ညနေ ၅နာရီ ၄၅ မိနစ်အချိန်က အမှတ်(၁)ရပ်ကွက်၊ နတလကျောင်းအနီးတွင် အသက်၄၇ နှစ်အရွယ်အမျိုးသားတစ်ဦးအိမ်ရှေ့တွင်ဖုန်းထိုင်ပြောနေစဉ် သေနတ်ဖြင့်ပစ်ခံရပြီးကန်ပက်လက်ဆေးရုံကိုအရေးပေါ်ပို့ဆောင်ထားရသည်ဟုလည်းသိရသည်။
''လက်နက်ကြီး ပစ်ခတ်သံတွေလည်းကြားရတယ် ။သေနတ်သံတွေလည်း ကြားရတယ်။ ည ၇နာရီကျော်ထဲကပစ်နေကြတာ အခုထိပစ်ခတ်နေတုန်းပဲ။တချို့တွေလည်းအပြင်ထွက်မရဘဲပိတ်မိနေကြတဲ့သူတွေလည်းရှိကြတယ်''ဟု ဒေသခံတစ်ဦးက ပြောသည်။
CDF (ကန်ပက်လက်)အဖွဲ့မှလည်း ကန်ပက်လက်မြို့နယ်အတွင်းရှိယာဥ်များ(မည်သည့်ယာဥ်မဆို)သက်ဆိုင်ရာပြည်သူ့ကာကွယ်ရေးတပ်ဖွဲ့(CDF)သို့ အကြောင်းကြားခြင်းမရှိဘဲ သွားလာပါက လုံခြုံရေးအာမခံမည်မဟုတ်ကြောင်းအသိပေးထုတ်ပြန်ထားသည်။
