ဩဂုတ် ၈
ညစဉ်ရက်ဆက် လက်နက်ကြီး/လက်ငယ်များကို ပစ်နေတဲ့ ဝိုင်းမော်မြို့အခြေစိုက် အမှတ် (၅၈) တပ်ရင်းက အခုချိန်မှာ ပစ်ခတ်မှုစလုပ်နေပြီဖြစ်တယ်လို့ ဒေသခံတွေထံကနေ သိရပါတယ်။
ယနေ့ည ၈ နာရီအချိန်ကတည်းကစပြီး ခလရ ( ၅၈ ) မှ လက်နက်ကြီး၊ လက်နက်ငယ် အချက်ရေ ၃၀ ထက် မနည်း ပစ်ခတ်သံကြားရပြီး လက်ရှိအချိန်ထိ ပစ်ခတ်နေဆဲဖြစ်ကြောင်း ဒေသခံများက အတည်ပြု အခိုင်အမာဆိုကြပါတယ်။
ဒီမနက်ကတည်း ကချင်ပြည်နယ်ဒေသအတွင်းက မြို့နယ်အချို့မှာ မိုးက ရွာသွန်းနေတာဖြစ်ပြီး ဒီလိုရာသီဥတု ဆိုးဝါးနေတဲ့အချိန်ညမှာတောင် လက်နက်ကြီးများပါ၀င်ကာ ဒေသခံများနေထိုင်တဲ့ ကျေးရွာများဘတ် ပစ်ခတ်နေတာ ဖြစ်တယ်လို့ ဒေသခံတွေက ဆိုပါတယ်။
