ဇွန် ၃၀
ကယားပြည်နယ်(ကရင်နီပြည်နယ်)တွင် ဖမ်းဆီးခံထားရသည့် နိုင်ငံရေးအကျဉ်းသူ ခြောက်ဦးတွင် ငါးဦးလွတ်မြောက်ကြောင်းသိရသည်။
ဒီကနေ့ ဇွန်လ ၃၀ ရက်၊ နေ့လယ်ခင်းတွင် လွတ်မြောက်ခဲ့သူများမှာ နာနတ်တောရပ်ကွက်သပိတ်တွင် အကြမ်းဖက်စစ်ကောင်စီက ဖမ်းဆီးခဲ့သူများဟုသိရသည်။
ထိုသို့ဖမ်းဆီးခံရသူ များထဲမှအမျိုးသမီး ခြောက်ဦးမှာ ၅၀၅(က)ဖြင့် တရားစွဲဆိုခံထားရသူများဖြစ်ပြီး သူတို့ထဲမှ ၅ ဦးလွတ်မြောက်ခဲ့ခြင်းဖြစ်ကြောင်း တိုးတက်သောကရင်နီပြည်သူ့အင်အားစုက လူမှုကွန်ရက်စာမျက်နှာတွင်ရေးသားထားသည်။
အဆိုပါ ခြောက်ဦးထဲမှ မလွတ်မြောက်ပဲ ကျန်နေသူဟာ ဆရာမဒေါ်စန္ဒာဝင်း ဆိုသူဖြစ်ကြောင်း သိရသည်။
ကယားပြည်နယ်၊ လှိုင်ကော်မြို့ နာနာတောရပ်ကွက်၏ စစ်အာဏာရှင်ဆန့်ကျင်ရေးသပိတ်သည် မေလ ၁၂ ရက်နေ့ ညနေပိုင်းတွင် ပစ်ခတ်ဖြိုခွဲခံရပြီး ဖမ်းဆီးခံရသူ စုစုပေါင်း ၁၃ ဦးရှိခဲ့သည်။
ကယားပြည်နယ် စံပြ(၆)မိုင်ရပ်ကွက်က ဖမ်းဆီးခံရသူများထဲမှ အချို့ ပြန်လည်လွတ်မြောက်လာကြောင်းသိရပြီး အရေအတွက်ကိုတော့ အတည်မပြုနိုင်သေးပေ။