မြန်မာ့နိုင်ငံရေးလောကမှာ လူသိထင်ရှားနာမည်ကျော်ကြားတဲ့ နိုင်ငံရေးပါတီတွေက ထိပ်ပိုင်းခေါင်းဆောင် တွေနဲ့ နိုင်ငံရေးအရနာမည်ကျော်ကြားသူတွေထဲကတချို့ဟာ နိုဝင်ဘာလ ၈ရက်နေ့က ကျင်းပပြုလုပ်တဲ့ ၂၀၂၀ အထွေထွေရွေးကောက်ပွဲအတွင်း  ရှုံးနိမ့်မှုတွေရှိခဲ့ပါတယ်။

နိုဝင်ဘာ ၉ရက်နေ့ မနက်ပိုင်းအထိရရှိထားတဲ့ နာမည်ကျော်ကြား ရှုံးနိမ့်သူတွေကတော့
ပြည်သူ့ရှေ့ ဆောင်ပါတီဥက္ကဋ္ဌ ဒေါ်သက်သက်ခိုင်ဟာ မရမ်းကုန်းမြို့နယ် ပြည်သူ့လွှတ်တော်နေရာက ဝင်ရောက်ယှဉ်ပြိုင်ရာမှာ ရှုံးနိမ့်ခဲ့ပါတယ်။

ပြည်သူ့ရှေ့ဆောင်ပါတီ ဒုတိယဥက္ကဋ္ဌဖြစ်တဲ့ ဦးကျော်ဇေယျကတော့ ရန်ကုန်းတိုင်းဒေသကြီး အမျိုးသားလွှတ်တော်မဲဆန္ဒနယ်-၁၁ ဝင်ရောက်ယှဉ်ပြိုင်ရာမှာ ရှုံးနိမ့်ခဲ့ပါတယ်။

ပြည်သူ့ပါတီဥက္ကဌဖြစ်တဲ့ ဦးကိုကိုကြီးကလည်း တောင်ဥက္ကလာပမြို့နယ် ပြည်သူ့လွှတ်တော်နေရာက ဝင်ရောက်ယှဉ်ပြိုင်မှုမှာ ရှုံးနိမ့်ခဲ့ပါတယ်။

ကမာရွတ်မြို့နယ် ပြည်သူ့လွှတ်တော်နေရာကဝင်ပြိုင်တဲ့ ပြည်သူ့ပါတီက ဦးနေယံဦးလည်း ရှုံးနိမ့်ခဲ့ပါတယ်။

ဒီးမော့ဆိုမြို့နယ် ပြည်နယ်အမှတ် ၂ မဲဆန္ဒနယ်ကဝင်ပြိုင်တဲ့ ကယားပြည်နယ်ဒီမိုကရက်တစ်ပါတီ(KySDP)ဦးပလုရယ်
ကယန်းအမျိုးသားပါတီ(KNP)ဥက္ကဋ္ဌ ခွန်ဘီတူး၊ကယန်းအမျိုးသားပါတီ(KNP) ခွန်းမြင့်နိုင်တို့လည်း ရှုံးနိမ့်ခဲ့သလို
လူ့ဘောင်သစ်ပါတီက ဒေါ်အိသဉ္ဇာမောင် ၊တစ်သီးပုဂ္ဂလကိုယ်စားလှယ်လောင်ဒေါက်တာအောင်မျိုးနဲ့
တနင်္သာရီတိုင်း အမျိုးသားလွှတ်တော်မဲဆန္ဒအမှတ် - ၉ကနေ ဝင်ရောက်ယှဉ်ပြိုင်တဲ့ ဒေါ်ညိုညိုသင်းလည်း ရှုံးနိမ့်ခဲ့ပါတယ်။

 တည်းဖြတ် - ပြည့်ဖြိုးအောင်

တင်ဆက် - ဆုမြတ်မေဇော်