ဇွန် ၁၂
ဒေါင်းတို့မျိုးဆက်သံချပ်ဖွဲ့၏ သင်္ကြန်ကာလအတွင်း သံချပ်ထိုးမှုတွင် တပ်မတော်နှင့်ပတ်သက်သည့် အငြင်းပွားဖွယ် သံချပ်များထိုးသည်ဟုဆိုကာ တပ်မတော်က နိုင်ငံတော်အကြည်ညိုပျက်စေမှုပုဒ်မ ၅၀၅(က) ဖြင့် တရားစွဲဆိုမှုခဲ့မှုအတွက် ဒေးဒရဲမြို့နယ်တရားရုံးက ယနေ့ရုံးချိန်းတွင် ထောင်ဒဏ် တစ်နှစ်ထပ်မံချမှတ် ခဲ့သည်။
ဒေါင်းတို့မျိုးဆက်သံချပ်အဖွဲ့ဝင်များကို ဇွန် ၁၁ရက်က မအူပင်မြို့နယ်တရားရုံးက ထောင်ဒဏ် ၁ နှစ်ချမှတ်ခဲ့ သေးသည်။
လက်ရှိတွင် ဒေါင်းတို့မျိုးဆက်သံချပ်အဖွဲ့ဝင်များဖြစ်သည့် ကိုပိုင်ဖြိုးမင်း(ခ)ဒီရေသည် အလုပ်နှင့်ထောင်ဒဏ် (၆)နှစ်၊ကိုဇေယျာလွင်မှာ အလုပ်နှင့်ထောင်ဒဏ် (၅)နှစ် (၆)လ၊ကိုပိုင်ရဲသူမှာ အလုပ်နှင့်ထောင်ဒဏ် (၅)နှစ် (၆)လ၊ကိုဇော်လင်းထွဋ်သည် အမှု သုံးမှုအတွက် ထောင်ဒဏ် နှစ်နှစ်၊ မကေခိုင်ထွန်းသည် အမှု သုံးမှုအတွက် ထောင်ဒဏ် နှစ်နှစ် ခြောက်လ၊ မဆုရတနာမြင့်သည် အမှု သုံးမှုအတွက် ထောင်ဒဏ် နှစ်နှစ်တို့ ကျခံရတော့ မည် ဖြစ်သည်။
ကျောင်းသားတက်ကြွလှုပ်ရှားသူများမှ ကူးပြောင်းခဲ့သော ဒေါင်းတို့မျိုးဆက်သံချပ်အဖွဲ့သည် ရန်ကုန်တိုင်းဒေ သကြီးအတွင်းရှိ မရမ်းကုန်းမြို့နယ်တရားရုံး၊ ဗိုလ်တထောင်မြို့နယ်တရားရုံးနှင့် ဧရာဝတီတိုင်းအတွင်းရှိ ဒေးဒ ရဲမြို့နယ် တရားရုံး၊ ဖျာပုံမြို့နယ်တရားရုံး၊ မအူပင်မြို့နယ် တရားရုံး၊ ပုသိမ်မြို့နယ် တရားရုံးများတွင် တစ်ပြိုင် တည်း တရားစွဲခံခဲ့ရသည်။
မရမ်းကုန်းမြို့နယ်တရားရုံး၌ ရန်ကုန်တိုင်း စစ်ဌာနချုပ်မှ ဒုဗိုလ်မှူးကြီး မျိုးမင်းဦးက တရားလိုပြုလုပ် တရားစွဲဆိုခဲ့မှုတွင် နိုင်ငံတော်အကြည် ညိုပျက်စေမှုဟု လူသိများသော ပုဒ်မ ၅၀၅ (က) အပြင် ဆက်သွယ်ရေးဥပဒေ ပုဒ်မ ၆၆( ဃ)ဖြင့် သံချပ်အဖွဲ့ဝင် ခုနှစ်ဦးအထိ တရားစွဲခံရသော အမှုများပါဝင်သည်။
