ဘန်ကောက်၊ ဖေဖော်ဝါရီ ၁၇ ။ ။ ထိုင်းနိုင်ငံတွင် နှစ်စဉ်ကျင်းပမြဲဖြစ်သော အမေရိကန်ဦးဆောင်သည့် နိုင်ငံပေါင်းစုံ စစ်ရေးလေ့ကျင့်မှုဖြစ်သည့် ရွှေရောင်မြွေဟောက် Cobra Gold စစ်ရေးလေ့ကျင့်မှု၏ တစ်စိတ်တစ်ဒေသအဖြစ် ဖေဖော်ဝါရီ ၁၇ ရက်တွင် ထိုင်းနှင့် အမေရိကန်တို့က ကုန်းရေနှစ်သွယ်စစ်ယာဉ်များ ကမ်းကပ်ဆင်းသက်မှု လေ့ကျင့်ခြင်းကို လုပ်ဆောင်ခဲ့သည်။
အမေရိကန်မရိန်းတပ်နှင့် ထိုင်းစစ်တပ်မှ အင်အားပေါင်း ၂၀၀၀ ကျော်ဖြင့် အဆိုပါ စစ်ရေးလေ့ကျင့်မှုကို တောင်ကိုရီးယားမှာ စစ်သားသုံးရာလည်း ပါဝင်ခဲ့ကာ ပြုလုပ်ခဲ့ခြင်းပဲ ဖြစ်သည်။
၂၀၁၀ ခုနှစ်မှစတင်ပြီး ထိုင်း-အမေရိကန် စစ်ရေးလေ့ကျင့်မှုတို့ ပါဝင်ခဲ့သည့် တောင်ကိုရီးယားသည် ထဲထဲဝင်ဝင်အစွမ်းဆောင်ဆုံးသော စစ်တပ်အဖြစ် ရှိလာခဲ့သည်။
အမေရိကန်လေယာဉ်တင်သင်္ဘော USS Bonhomme Richard အပြင် တောင်ကိုရီးယားကလည်း ကမ်းတက်ရေယာဉ် Cheon Ja Bong ကို စေလွှတ်ထားသည်။
ယခု ရွှေရောင်မြွေဟောက်စစ်ရေးလေ့ကျင့်မှုကို ချောင်ဘူရီရှိ Sattahip Royal Marine Corps Base တွင် အဓိကအခြေစိုက်ပြုလုပ်နေခြင်းဖြစ်သည်။
သီတင်းပတ်တာကြာမြင့်မည့် အဆိုပါ စစ်ရေးလေ့ကျင့်မှုတွင် နေရပ်ရွှေ့ပြောင်းရေးစသည့် လူသားချင်းစာနာထောက်ထားရေးကူညီကယ်ဆယ်မှုလေ့ကျင့်မှုများအပြင် ကုန်းရေနှစ်မျိုးယာဉ် ဆင်းသက်ခြင်း စစ်ရေးလေ့ကျင့်မှုများပါ ပါဝင်လုပ်ဆောင်ကြာခြင်းလည်း ဖြစ်သည်။