အဆိုတော် ဇိန်းမာလစ်ခ်သည် ပြီးခဲ့သော အင်္ဂါနေ့က သူ၏ သီချင်းအသစ် Still Got Time ထွက်ရှိတော့ မည်ကို တွစ်တာအကောင့်မှတဆင့် ပရိသတ်အား အသိပေးခဲ့ပြီးနောက်တွင် ယနေ့သောကြာနေ့၌ သီချင်းအပြည့်အစုံ ထွက်ရှိလာပြီဖြစ်သည်။
ထိုသီချင်းအသစ်ထဲတွင် အဆိုတော် ဒရိတ်ခ်၊ ရီဟားနားတို့နှင့် အနုပညာတွဲဖက် လုပ်ကိုင်ဖူးသော ရက်ပါ PARTYNEXTDOOR က အားဖြည့်သီဆိုပေးထားသည်။
မာလစ်ခ်သည် သူ၏ အနုပညာခြေလှမ်းအား One Direction အဖွဲ့နှင့် စတင်ခဲ့ပြီးနောက် ၂၀၁၅ ခုနှစ်တွင် အဖွဲ့မှ ထွက်ခဲ့ကာ တစ်ကိုယ်တော် အနုပညာရှင်အဖြစ် ရပ်တည်လျက်ရှိသည်။ သူ၏ ပေါက်သီချင်းများဖြစ် သော Pillowtalk နှင့် Like I Would တို့ပါ၀င်သည့် ပွဲဦးထွက် သီချင်းခွေသစ် Mind of Mine ကို ပြီးခဲ့သော ၂၀၁၆ ခုနှစ်က ထွက်ရှိခဲ့သည်။ သူသည် MIA နှင့်အတူ Freedun သီချင်း၌ ပါ၀င်သီဆိုပေးထားသလို တေလာဆွစ်နှင့်လည်း I Don’t Wanna Live Forever ဆိုသော Fifty Shades Darker ရုပ်ရှင်ထဲမှ ဇာတ်ဝင် တေးကိုလည်း တွဲဖက်သီဆိုထားခဲ့သည်။
သူ၏ ဒုတိယသီချင်းအယ်လ်ဘမ်ကို လာမည့်နွေရာသီအတွင်း ထွက်ရှိနိုင်ရန် စီစဉ်ထားကြောင်း သိရသည်။
Ref: People