အကြမ်းဖက် စစ်ကောင်စီက သွင်းကုန်သမားတွေကို ဗဟိုဘဏ်က ဈေးကွက် ပေါက်ဈေးထက် သက်သာတဲ့ သတ်မှတ်နှုန်းထားနဲ့ နိုင်ငံခြားငွေ ရောင်းချပေးမှုအားလုံးကို ရပ်ဆိုင်းလိုက်ပြီး အပြင်ဈေးကွက် ပေါက်ဈေး အတိုင်း ရောင်းဝယ်ကြဖို့ ကြေညာလိုက်ပါတယ်။
စစ်ကောင်စီ ဗဟိုဘဏ်က ဒီဇင်ဘာ ၆ ရက်နေ့က ထုတ်ပြန်တဲ့ ကြေညာချက်ထဲမှာ နိုင်ငံခြားသုံးငွေ ရောင်းဝယ်တဲ့ လိုင်စင်ရဘဏ်တွေမှာ ဒေါ်လာအရောင်းအဝယ်ကို ဗဟိုဘဏ်က ဈေးမသတ်မှတ် ပေးတော့ဘဲ အပြင်ဈေးကွက်ထဲမှာ နိုင်ငံခြားငွေ ရောင်းဝယ်သူတွေ တင်သွင်းတဲ့ ငွေလဲနှုန်းအပေါ် မူတည်ပြီး ပေါက်ဈေး အတိုင်း လွတ်လွတ်လပ်လပ် ဆောင်ရွက်နိုင်ပြီလို့ ဖော်ပြထားပါတယ်။
