နိုင်ငံအနှံ့ကဆန္ဒပြပွဲတွေကို ပစ်ခတ်ဖမ်းဆီးသတ်ဖြတ်ခဲ့တဲ့ စစ်ကောင်စီဟာတရုတ်အစိုးရဆန့်ကျင်ရေးဆန္ဒပြပွဲ တွေကို မသိဟန်ဆောင်နေပေးခဲ့တာ စဉ်းစားစရာပါပဲ။ပိုပြီးထူးခြားခဲ့တာက ဒီဆန္ဒပြပွဲတွေကိုဦးဆောင်ခဲ့သူတွေ ဟာ အမျိုးသားရေးဝါဒီတွေဖြစ်နေခဲ့တာပါ။ပြီးခဲ့တဲ့နိုဝင်ဘာ ၁၉ ရက်က စစ်ကောင်စီကျောထောက်နောက်ခံ ပြုထားတဲ့ အမျိုးသားရေးဝါဒီတွေဟာရန်ကုန်မြို့တော်ခန်းမနဲ့ တရုတ်သံရုံးရှေ့တွေမှာ တရုတ်အစိုးရ ဆန့်ကျင် ရေးဆန္ဒပြပွဲတွေကိုပြုလုပ်သွားခဲ့ တာဖြစ်ပါတယ်။ စစ်ကောင်စီလက်ထက် တရုတ်အစိုးရကိုနာမည်တပ်ပြီး လူသိရှင်ကြားဝေဖန်ဆန့်ကျင်သွားတဲ့ ဆန္ဒပြပွဲတွေဖြစ်ခဲ့တာကလည်း ထူးခြားပါတယ်။
