လာမယ့် ဩဂုတ် ၂၁ ရက်မှာ ကုလလုံခြုံရေးကောင်စီအစည်းအဝေးကို ကျင်းပသွားဖို့ရှိနေပါတယ်။
ဒီတစ်ကြိမ် ဩဂုတ်လအတွက် ကုလလုံခြုံရေးကောင်စီဥက္ကဋ္ဌတာဝန်ကို အမေရိကန်ကတာဝန်ယူသွားရမှာဖြစ်ပါတယ်။ မြန်မာ့အရေးမှာ အာဏာသိမ်း စစ်ကောင်စီကိုရှုတ်ချပြီးမြန်မာပြည်သူတွေဘက်က ရပ်တည်ခဲ့တဲ့အမေရိကန် အနေနဲ့ အခုလိုကာလမျိုးမှာလုံခြုံရေးကောင်စီဥက္ကဋ္ဌတာဝန်ယူဖို့ အချိန်ကျလာတာဟာ စိတ်ဝင်စားဖို့ကောင်း နေပါတယ်။
အမေရိကန်ဟာ အာဏာသိမ်း စစ်ခေါင်းဆောင်တွေအပါအဝင် စစ်ဗိုလ်ချုပ်တွေနဲ့ စီးပွားရေးအရဆက်နွယ်သူတွေကိုပါ အရေးယူဒဏ်ခတ်ပိတ်ဆို့မှုတွေ လုပ်ထားခဲ့တဲ့နိုင်ငံဖြစ်ပါတယ်။
