အကြမ်းဖက် စစ်ကောင်စီက မတရား အာဏာသိမ်းပြီး မြန်မာပြည်သူတွေကို သတ်ဖြတ်ညှဉ်းဆဲနေတဲ့ အပေါ်မှာ စင်ကာပူနိုင်ငံဟာ အစောပိုင်းကာလက မြန်မာ့အရေးဟာ ပြည်တွင်းရေးသာ ဖြစ်တယ်လို့ ပြောဆိုခဲ့ပေမယ့် အခုနောက်ပိုင်း ၂၀၂၃ ထဲမှာတော့ မြန်မာ့အရေးနဲ့ ပတ်သက်လို့ ပြည်သူတွေဘက်က တက်တက်ကြွကြွ ပြောဆိုမှုတွေ ရှိခဲ့ပါတယ်။
စင်ကာပူနိုင်ငံဟာ ထိုင်းနိုင်ငံက ကမကထပြုလုပ်ပြီး မြန်မာစစ်ကောင်စီဘက်က စစ်ဗိုလ်ချုပ်တွေကို ဖိတ်ကြားခဲ့တဲ့ မြန်မာ့အရေး ဆွေးနွေးပွဲကို မတက်ရောက်တဲ့ အာဆီယံအဖွဲ့ဝင်နိုင်ငံ တစ်နိုင်ငံလည်း ဖြစ်ပါတယ်။
