မြန်မာနိုင်ငံတဝှမ်း လက်နက်ကိုင် ပဋိပက္ခတွေကြောင့် နေရပ်စွန့်ခွာ ထွက်ပြေးရသူ ၂ သန်းနီးပါး ရှိနေပြီလို့ ကုလသမဂ္ဂ လူသားချင်းစာနာမှုဆိုင်ရာ ပူးပေါင်းညှိနှိုင်းရေးရုံး - UN OCHA က ဇူလိုင်လ ၁၅ ရက်နေ့က ထုတ်ပြန်လိုက်ပါတယ်။ ဒီအရေအတွက်ဟာ မြန်မာ့လူဦးရေရဲ့ ၅ ရာခိုင်နှုန်း နီးပါးကို ညွှန်းဆိုရာလည်း ရောက်ပါတယ်။
ဆက်လက်ဖြစ်ပေါ်နေတဲ့ ပဋိပက္ခတွေနဲ့ သဘာဝဘေးအန္တရာယ်တွေက လူသားချင်းစာနာမှု အကူအညီ လိုအပ်ချက်ကို ပိုဆိုးရွားစေတဲ့အပြင် စစ်ဘေးဒုက္ခသည်တွေရဲ့ စားဝတ်နေရေးအတွက် အရေးပေါ် အကူအညီတွေ အမြန်ဆုံးလိုအပ်နေတယ်လို့လည်း ဆိုပါတယ်။
