နိုင်ငံတစ်နိုင်ငံရဲ့ ဖွံ့ဖြိုးတိုးတက်မှုကိုဖော်ပြတဲ့ ကမ္ဘာ့အညွှန်းကိန်းတွေမှာ မြန်မာနိုင်ငံ အခြေအနေဟာ အလျင် အမြန်နောက်ပြန်ဆုတ်နေခဲ့တာတွေ့ရပါတယ်။
ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့(FAO)က မြန်မာ နိုင်ငံဟာ ပိုမိုဆိုးရွားလာတဲ့ စားနပ်ရိက္ခာအကျပ်အတည်းကို ရင်ဆိုင်နေရတယ်လို့ သတိပေးထားသလို ကမ္ဘာ့ဘဏ် အစီရင်ခံစာမှာလည်း မြန်မာ့စီးပွားရေးအခြေအနေမှာ ပိုမိုပြီးဆိုးရွားလာနေတယ်လို့ဆိုထားပါတယ်။
အာဏာသိမ်းစစ်ခေါင်းဆောင်ဟာ သူ့လက်ထက်မှာ တိုင်းပြည်စီးပွားရေးနလန်ပြန်ထူအောင်လုပ်မယ်ဆိုပြီးကြွေးကြော်ထားပေ မယ့် လက်တွေ့နဲ့ တခြားစီဖြစ်နေပြီး ပြည်သူတွေရင်ဆိုင်နေရတဲ့ အခက်အခဲအကြပ်အတည်းတွေက သက်သေပြ နေပါတယ်။
