မန္တလေးတိုင်း၊ ပုသိမ်ကြီးမြို့နယ်ထဲက ဖယ်ရှားခံရမယ့် နေအိမ်အဆောက်အအုံတွေထဲမှာ ဘုန်းကြီးကျောင်း တွေလည်း ပါဝင်နေလို့ ဝါဆိုသံဃာတွေအတွက် အခက်ကြုံနေရတယ်ဆိုတဲ့ သတင်းဖော်ပြချက်တွေ ရှိနေပါတယ်။
နန်းဦးလွင်ရွာ ကန်ကောက်ကွက်သစ်ဘက်က ဘုန်းကြီးကျောင်း ၃ ကျောင်း ဖျက်ပေးရမယ့် စာရင်းထဲမှာ ပါဝင်နေပြီး လောလောဆယ်မှာတော့ သုဓမ္မာရွာဦးကျောင်းက ဝါဆိုသံဃာတွေ အခက်အခဲ ဖြစ်နေတယ်လို့ ဒေသခံတွေရဲ့ အဆိုအရ သိရပါတယ်။
စစ်ကောင်စီရဲ့ ဖိအားပေးမှုကြောင့် ဖယ်ရှားရမယ့် ဘုန်းကြီးကျောင်းတွေဟာ နှစ်ပေါင်း ၃၀ ကျော် သက်တမ်း ကြာမြင့်ခဲ့ပြီ ဖြစ်တဲ့ တိုက်ကျောင်းကြီးတွေဖြစ်ပြီး သာသနာ့မြေအတွက် ခွင့်ပြုဖို့တင်ထားတဲ့ ကျောင်းတိုက် ကြီးတွေ ဖြစ်ပါတယ်။
