ထိုင်းနိုင်ငံ ပတ္တရားမြို့မှာ ဇွန်လ(၁၉)ရက်က ကျင်းပခဲ့တဲ့ မြန်မာနိုင်ငံအရေးအလွတ်သဘောဆွေးနွေးပွဲဟာ အကျိုးရှိခဲ့ပြီး ပါဝင်တက်ရောက်ခဲ့တဲ့ ခေါင်းဆောင်တွေဟာ အခုလို ဆွေးနွေးမှုများကို ပိုမိုလိုလားကြ ကြောင်း ထိုင်းနိုင်ငံခြားရေးဝန်ကြီးဒွန်ပရာမွန်ဝီနိုင်း က ပြောကြားခဲ့ပါတယ်။
အဆိုပါအစည်းအဝေးကို မြန်မာနဲ့နယ်နိမိတ်ချင်းထိစပ်နေတဲ့ တရုတ်နဲ့ အိန္ဒိယတို့ အပါအဝင် နိုင်ငံ(၇)နိုင်ငံမှ ကိုယ်စားလှယ်များတက်ရောက်ခဲ့ကြောင်း သိရပါတယ်။
ထိုင်းနိုင်ငံက မြန်မာနိုင်ငံနဲ့ ကီလိုမီတာ (၂ဝဝဝ)ကျော် နယ်နိမိတ်ချင်းထိစပ်နေပြီး မြန်မာနိုင်ငံမှာဖြစ်ပွားနေတဲ့ ပြဿနာများကိုဖြေရှင်းရန်အတွက် ကြိုးပမ်းအားထုတ်မှုတွေကို မနှောင့်နှေးသင့်ကြောင်း ဒွန်ပရာဝီနိုင်းက ပြောကြားခဲ့ပါတယ်။